နောက်ဆုံးသင်ခန်းစာ
ထိုနေ့ နံနက်က ကျွန်တော်ကျောင်းသွား အတော်နောက်ကျသည်။ ကျွန်တော်မှာ တထိတ်ထိတ်နှင့်။ အထူးသဖြင့် ကျွန်တော် တစ်လုံးမျှမသိသော ကိတ်နာမ်များအကြောင်းကို ဆရာကြီးဟာမ်လ် ကမေးမည်ဟု ပြောထား၍ ကျွန်တော်ထိတ်မိသည်။ တစ်ခဏတာမျှကား ကျောင်းပြေး၍လွတ်ရာတွင် အချိန်ဖြုန်းတော့မည် ဟု ကြံမိပါသေးသည်။ နေကလေးကလည်း အလွန်သာသည်။နွေးလည်း အလွန်နွေးသည်။ တောစပ်တွင် ငှက် ကလေးများကလည်း မြည်တွန်ကြွေးကြော်နေကြသည်။ သစ်စက်နောက်ဖေး ကွင်းပြင်ထဲတွင် ပြတ်ရှင်စစ်သား များလည်း စစ်ရေးပြနေကြသည်။ ကိတ်နာမ်တွေအကြောင်းကို သင်ကြားနေရမည်ထက် ကျောင်းပြေးရသည် က ပို၍ပျော်ဖွယ်ကောင်းပေမည်မှာ မုချဖြစ်ပါသည်။ သို့ သော် ထိုဆန္ဒကိုချိုးနှိမ်၍ ကျောင်းဆီသို့ သာ အသော့ ပြေးသွားပါသည်။
တောင်းဟောလ်ရှေ့ သို့ ရောက်သောအခါ ကြော်ငြာဘုတ်ကြီးကို ၀ိုင်း၍လူအုပ်ကြီး ရပ်ကြည့်နေသည် ကိုတွေ့ ရပါသည်။ လွန်ခဲ့သောနှစ်နှစ်အတွင်းမှာဖြစ်လျှင် သတင်းဆိုးမှန်သမျှ ထိုကြော်ငြာဘုတ်ကြီးဆီကသာ ထွက်ပေါ်လာပါသည်။ စစ်ရှုံးသည့် သတင်း၊ စစ်ဗိုလ်၏အမိန့် များသည် ထိုကြော်ငြာဘုတ်က ထွက်ပေါ်လာ သည်ချည်းဖြစ်ခဲ့သည်။ ထို့ ကြောင့် လမ်းသွားမရပ်ဘဲ " ဘာများအထူးအထွေဖြစ်ပြန်ပါလိမ့် " ဟု ကျွန်တော် တွေးမိပါသည်။
ထိုသို့ အသော့ ကျွန်တော်သွားနေခိုက် လူအုပ်ထဲတွင် သူ့ တပည့်နှင့်အတူ ကြော်ငြာဖတ်နေသော ပန်းပဲဆရာ ကြီး ၀ပ်ရှာဘာက ကျွန်တော့်ကိုလှမ်းအော်၍ ပြောလိုက်ပါသည်။
" ဟေ့ သားငယ်၊ သည်လောက် အလျင်မလိုပါနဲ့ ၊ ကျောင်းတက်ဖို့ အချိန်အများကြီး ကျန်ပါသေးတယ်။ "
ပန်းပဲဆရာကြီးသည် ကျွန်တော့်ကိုတမင် နောက်လိုက်သည်ဟုသာထင်မိကာ ပြေးသွားရာ ဆရာကြီး ဟာမ်လ် ၏ ခြံထဲသို့ မောကြီးပန်းကြီးရောက်သွားပါသည်။
အခါတိုင်းဆိုပါလျှင် ကျောင်းတက်စအချိန်သည် အလွန်ဆူညံသော အချိ်န်ဖြစ်ပါသည်။ လမ်းထဲကပင် ကြားနိုင်ပါသည်။ ခုံဖွင့်သံ၊ ခုံပိတ်သံ၊ သင်ခန်းစာများကို အားလုံးညီတူညာတူ ပြိုင်ဆိုသံ၊ ဆရာကြီး၏မျဉ်းတံ နှင့် စားပွဲကိုခေါက်သံတို့ မှာ အလွန်ဆူညံပါသည်။သို့ သော် ယခုမှာမူ ငြိမ်ချက်သား ကောင်းလှပါသည်။ ကျွန်တော့်မှာ အတန်းထဲသို့ မည်သူမျှ မမြင်အောင်ဝင်နိုင်ဖို့ ရန် ဆူညံနေပါစေဟုသာ ဆုတောင်းမိခဲ့ပါသည်။ ယခုမှာမူ ငြိမ်ချက်သားကောင်းလေစွ။ငြိမ်လည်းငြိမ်ရပေမည်။ တနင်္ဂနွေနေ့ နံနက်ကဲ့သို့ ပင် ငြိမ်ရန်အကြောင်း ရှိပေသည်။
ကျွန်တော့်အတန်းသားများ သူတို့ နေရာတွင် ရောက်နေကြသည်ကို ပြတင်းမှမြင်ရပါသည်။ ဆရာကြီး ဟာမ်လ်မှာလည်း သံမျဉ်းတံကြီးကို ချိုင်းကြားတွင်ညှပ်၍ ခေါက်တုံ့ ခေါက်ပြန် စင်္ကြန်လျှောက်နေပါသည်။ ကျွန်တော့်မှာ တံခါးဖွင့်၍ လူတိုင်းရှေ့ ကဖြတ်ပြီးလျှင် ကျွန်တော့်နေရာသို့ သွားရပါမည်။ ကျွန်တော်မည်မျှ မျက်နှာပူ၍ မည်မျှကြောက်နေမည်ကို စဉ်းစားသာကြည့်ပါတော့။
သို့ သော် ဘာမျှအထူးအထွေမဖြစ်ပါ။ ဆရာကြီးသည် ကျွန်တော့်ကိုမြင်သောအခါ ကြင်ကြင်နာနာနှင့် ပင် ဤသို့ ပြောလိုက်ပါသေးသည်။
" ဖရန့် ၊ နေရာကို မြန်မြန်သွားပါ။ မင်းမရှိဘဲ အတန်းကိုစနေရတယ် "
ကျွန်တော်လည်း ခုံတန်းလျားကိုကျော်၍ နေရာတွင် ထိုင်လိုက်ပါသည်။ အကြောက်နည်းနည်းပြေလာသော အခါ ဆရာကြီးသည် ခါတိုင်းကဲ့သို့ မဟုတ်၊ အ၀တ်သစ်များ ၀တ်ထားသည်ကို သတိပြုမိပါသည်။ ခါတိုင်းမှာမူ ဆရာကြီးသည် ပညာဝန်လာသောနေ့ များနှင့် ဆုပေးသောနေ့ များမှာသာ အ၀တ်သစ်များ ၀တ်တတ်ပါသည်။ ထိုမှတစ်ပါးလည်း ကျောင်းတစ်ခုလုံးမှာ ငြိမ်ချက်သားကောင်းလှသည်။ က္ကနြေ္ဒကြီးချက်သား ကောင်းလှသည်။ ကျွန်တော်အံ့အားအသင့်မိဆုံးအကြောင်းမှာကား အခါတိုင်းမှာမူ မည်သူမျှ မထိုင်သော ခုံတန်းလျားအနက်ကြီး များပေါ်တွင် ကျွန်တော်တို့ နည်းတူ ရွာသားများထိုင်နေသည်ကို မြင်ရချက်ဖြစ်ပါသည်။
သုံးထောင့်ဦးထုပ်ကြီးနှင့် အဘိုးကြီး ဟော်ဇာ၊ မြို့ ဝန်ဟောင်း၊ စာတိုက်ဗိုလ်ဟောင်းနှင့် အခြားလူ အများကြီးထိုင်နေကြပါသည်။ လူတိုင်းဝမ်းနည်းနေပုံရပါသည်။ အဘိုးကြီးဟော်ဇာသည် ထောင့်များစုတ်ပြတ် နေသော ပရိုင်မာစာအုပ်ကလေးကို ယူလာ၍ ဒူးပေါ်တွင်ဖွင့်ထားပြီးလျှင် သူ့ မျက်မှန်ကိုစာအုပ်ပေါ်တွင် ချ ထားပါသည်။
" ဘာများဖြစ်လို့ ပါလိမ့် " ဟု ကျွန်တော်အံ့သြနေခိုက် ဆရာကြီးဟာမ်လ်သည် သူ့ ခုံပေါ်သို့ တက်၍ ကျွန်တော့်ကိုပြောသော နူးညံ့ဆေးလေးသောအသံမျိုးဖြင့်ပင် အောက်ပါအတိုင်းပြောပါသည်။
" တပည့်တို့ ၊ ဒီ သင်ခန်းစာဟာ ဆရာနောက်ဆုံးသင်ရမယ့် သင်ခန်းစာပဲ၊ အာလစနဲ့ လော်ရိန်းနယ်များမှာ ပြင်သစ်စာကို မသင်ရ၊ ဂျာမန်စာကိုသာ သင်ရမယ်လို့  ဘာလင်မြို့ ကအမိန့် လာတယ်။ မင်းတို့ အတွက် ဂျာမန်ဆရာသစ်လည်း မနက်ဖြန်လာတော့မယ်။ အခုဆရာသင်မယ့်သင်ခန်းစာဟာ မင်းတို့ ရဲ့ နောက်ဆုံး ပြင်သစ်ဘာသာသင်ခန်းစာပဲကွယ့်။ ဒါကြောင့် ကောင်းကောင်းဂရုစိုက် နားထောင်ကြပါ။"
ထိုစကားတို့ ကား ကျွန်တော့်အတွက် မိုးကြိုးပစ်သံပင်ဖြစ်တော့သည်။ အိုသည်တိရစ္ဆာန်ဂျာမန်တွေ ဟာ အလွန် ဆိုးပါကလား။ တောင်းဟောလ်၌ သူတို့ ကပ်ထားသောကြော်ငြာသည် ဤအမိန့် ပင်ဖြစ်ရာသည်။
ကျွန်တော့်အဖို့ နောက်ဆုံး ပြင်သစ်သင်ခန်းစာတဲ့။ ကျွန်တော့်မှာ စာမျှကောင်းကောင်း မရေးတတ် သေးပါ။ နောက်ထပ်လည်း သင်ရတော့မည်မဟုတ်။ကျွန်တော် စာသင်ရပ်ရတော့မည်။ စာကိုကြိုးစား၍ မသင် ခဲ့မိသည်မှာ မှားလေခြင်း။ ငှက်ဥနှိုက်၍ အချိန်များကို ဖြုန်းခဲ့မိသည်မှာ မှားလေခြင်း။
ဟိုခဏတုန်းက ကျွန်တော်အလွန်မုန်းမိသော သဒ္ဒါစာအုပ်၊ ရာဇ၀င်စာအုပ်များမှာ ကျွန်တော်မစွန့် နိုင်သော မိတ်ဟောင်းကြီးများဖြစ်လာသည်။ ဆရာကြီးဟာမ်လ်နှင့်လည်း မည်သို့ ခွဲခွာနိုင်ပါမည်လဲ။သူသွားတော့မည်။ သူ့ ကို ကျွန်တော်နောက်ထပ်မြင်ရတော့မည် မဟုတ်ဆိုသော အကြောင်းများကို တွေးမိသောအခါ သူ့ မျဉ်းတံ ကြီးနှင့် သူခွကျနေပုံတို့ ကို ကျွန်တော်မေ့သွားပါတော့သည်။
သြော် ဆရာကြီး သနားစရာပဲ။ ဤနောက်ဆုံးသင်ခန်းစာကို အထူးသင်ပေးချင်၍ ၀တ်ကောင်းစားလှ များကို ၀တ်လာပေသကိုး။ရွာထဲကလူကြီးများ ကျောင်းခန်းထဲရောက်နေသည်မှာလည်း ဤအကြောင်းကြောင့် ပေကိုး။ အနှစ်လေးဆယ်ကာလပတ်လုံး ရွာသားကလေးများကို ပညာသင်ပေးခဲ့သော ဆရာကြီးအား ကျေးဇူး တင်သည်ကိုပြလို၍တစ်ကြောင်း၊ ကျွန်နိုင်ငံဖြစ်သွား၍ သူတို့ အပိုင်မဟုတ်တော့သော အာလစနှင့် လော်ရိန်း နယ်များအား အရိုအသေပေးလို၍တစ်ကြောင်း သူတို့ ဤကျောင်းခန်းတွင်းသို့ လာရောက် ထိုင်နေကြခြင်းဖြစ် ပေသည်။
ဤအကြောင်းများကို တွေးနေခိုက် ကျွန်တော့်အမည်ခေါ်သံကို ကြားရပါသည်။ စာပြန်ရန် ကျွန်တော့် အလှည့်ရောက်လာပြီ။ မုန်းစရာကောင်းသော ကိတ်နာမ်များကို အမှားတစ်လုံးမျှ မပါရစေဘဲ ကျယ်ကျယ်နှင့် ရှင်းရှင်းပြန်ပြနိုင်ရအောင် လုပ်ပေးနိုင်သူများရှိလျှင် ကျွန်တော့်မှာ ရှိသမျှပစ္စည်းများကို အကုန်ပုံပေးလိုက်ချင် လောက်အောင် ဖြစ်မိပါသည်။ သို့ သော်လည်း စာပြန်စမှာပင်လျှင် ထစ်ထစ်ငေါ့ငေ့ါ ရောရောနှောနှောဖြစ်၍ စာခုံကိုကိုင်ကာ နှလုံးတထိတ်ထိတ်နှင့် ရပ်နေရပါသည်။ ဆရာ့ ကိုလည်း မော်၍မကြည့်ဝံ့တော့။ထိုအခါ ဆရာ ကြီးဟာမ်လ်က ပြောပါသည်။
" ဖရန့် ၊ မင့်ကို ဆရာ မကြိမ်းပါဘူး။ မင်းလည်း အတော် အနေရခက်မှာပဲ။ တို့ အဖြစ်အပျက်ကို ကြည့်ပါဦး။ နေ့ တိုင်းနေ့ တိုင်း အချိန်တွေအများကြီးရှိသေးတယ်။ မနက်ဖြန်မှ သင်တာပေါ့။ သန်ဘက်ခါမှ သင်တာပေါ့နဲ့ ဆရာတို့  ရက်တွေရွှေ့ ခဲ့ကြတာပဲ။ ဟောအခုတော့ ဆရာတို့  ဘယ်ဘ၀ရောက်နေပြီလဲ။ မြင်ရဲ့ လား။ အဲဒါ ဟာ အာလစနယ်ရဲ့ ချို့ ယွင်းချက်ကြီးပဲ။ နက်ဖြန် သန်ဘက်ရက်ရွှေ့ ခဲ့တာနဲ့  ကိစ္စတုံးတာပဲ။ အခုတော့ ဟော ဟိုကွင်းထဲမှာ စစ်ရေးပြနေတဲ့ ဂျာမန်ကောင်တွေက ပြောကြလိမ့်မယ်။ "
" ကဲ ဘယ့်နှယ့်လဲ၊ မင်းတို့ ကိုယ်ကို မင်းတို့ ပြင်သစ်ဆို၊ အခုတော့ ကိုယ့်စကားလည်း ကိုယ်မပြောတတ်။ ကိုယ့်စာလည်း ကိုယ်မရေးတတ်။ " လို့ ။ဒါပေမဲ့ မင်းတစ်ယောက်တည်း မိုက်တာမဟုတ်ပါဘူး။ ဆရာတို့  အားလုံးဟာလည်း အပြစ်မကင်းကြဘူးကွယ့်။ "
" မင့်မိဘများက မင်းပညာတတ်ရေးနဲ့ ပက်သက်ပြီး သိပ်ဂရုမစိုက်ကြဘူး။ သူတို့ သဘောကတော့ အိမ်မှာ ငွေအ၀င်နည်းနည်းဖြစ်ဖြစ် ပိုစေတော့ဆိုပြီး မင့်ကို ယာတဲမှာဖြစ်ဖြစ်၊ စက်ထဲမှာဖြစ်ဖြစ် အလုပ်လုပ်စေချင် တာပဲ။ ငါကော….ငါလည်း အပြစ်မကင်းဘူးပဲ။ မင်းတို့ ကို စာကျက်ခိုင်းရမည့်အစား ပန်းပင်တွေကို ရေ အလောင်းခိုင်းခဲ့တာဟာ ငါပဲ မဟုတ်လား။ နောက်ပြီး ငါ ငါးမျှားသွားချင်တဲ့အခါ မင်းတို့ ကို အိမ်ပြန်လွှတ်ပြီး ကျောင်းပိတ်လိုက်တာလည်း ငါပဲ မဟုတ်လား။ "
ဤသို့ ဖြင့် အကြောင်းတစ်ခုမှ အကြောင်းတစ်ခုသို့  ကူးစက်သွားကာဆရာကြီးဟာမ်လ်သည် ပြင်သစ် စကားအကြောင်းကို ဆက်၍ ပြောနေလေတော့သည်။ ပြင်သစ်စကားသည် လောကတွင် အလှဆုံးဖြစ်သည်။ အရှင်းလင်းဆုံး၊ အကြောင်းအကျိုးအသင့်ဆုံးဖြစ်သည်။ ပြင်သစ်စကားကို ကျွန်တော်တို့ တစ်စု စောင့်ရှောက် ရမည်။ မည်သည့်အခါမျှ မေ့မပစ်ရ။ အကြောင်းသော်ကား သူ့ ကျွန်ဘ၀တည်းဟူသော အကျဉ်းထောင်ကိုဖွင့် ရန် သော့ကို သိမ်းဆည်းထားသည်မည်လေသည်။
ထို့ နောက် ဆရာကြီးသည် သဒ္ဒါစာအုပ်ကိုဖွင့်၍ ကျွန်တော်တို့ သင်နေရသော သင်ခန်းစာကို ဖတ်ပြသည်။ ထိုအခါကျမှ သဒ္ဒါကို မည်မျှကျွန်တော် နားလည်နေသည်ကိုသိရ၍အံ့သြမိပါသည်။ သူပြောသမျှ တွေသည် အလွန်ရှင်းလင်းလွယ်ကူလှပါဘိတောင်း။ ကျွန်တော် ဤကဲ့သို့ တစ်ခါမျှ ဂရုစိုက်ကာ နားမထောင်ခဲ့ ဖူးသည်ကိုလည်း တွေးမိပါသည်။ ၄င်းပြင် ဆရာကြီးသည်လည်း တစ်ခါဖူးမျှ ဤကဲ့သို့ စိတ်ရှည်လက်ရှည် သင်မပေးခဲ့ဖူးသည်ကိုလည်း တွေးမိပါသည်။ ဆရာကြီးသည် မသွားခင် သူတတ်သမျှပညာအားလုံးကို ကျွန်တော်တို့ အား ပေးခဲ့ချင်တော့သလိုရှိပါသည်။ တစ်ချက်တည်းနှင့် ကျွန်တော်တို့ ခေါင်းထဲသို့  ရိုက်သွင်း ပေးခဲ့ချင်တော့သလိုရှိပါသည်။
သဒ္ဒါပြီးသောအခါလက်ရေးသင်ရပါသည်။ထိုနေ့ က ကျွန်တော်တို့ အဖို့ ဆရာကြီးသည် လက်ရေးသင် စာရွက်အသစ်ကလေးများကို ယူခဲ့ပါသည်။ ထိုစာရွက်များတွင်
" ပြင်သစ်နိုင်ငံ အာလစနယ်၊ ပြင်သစ်နိုင်ငံ အာလစနယ် " ဟူ၍ လှပ၀ိုင်းစက်စွာ ရေးထားပါသည်။ ထိုစာလုံး ကလေးများသည် ကျောင်းခန်းထဲတွင်ဆွဲထား၍ လေထဲတွင်လွင့်နေသော ကြက်လျှာအလံကလေးများနှင့်တူ ပါတော့သည်။ ထိုအခါက ကျောင်းသားများအားလုံး ဘယ်ကဲ့သို့  အားကြိုးမာန်ကြိုး အလုပ်လုပ်ရသည်ကို မြင်စေချင်ပါဘိသည်။ တစ်ကျောင်းလုံးငြိမ်နေပါတော့သည်။ စာရွက်ပေါ်တွင် ကလောင်သွားနှင့် ရေးခြစ် သလောက်ကိုသာ ကြားရပါသည်။ တစ်ခါသော်ခွံထူပိုးကောင်တွေ အခန်းထဲသို့ ပျံဝင်လာပါသည်။ သို့ သော် မည်သူမျှ သူတို့ ကို ဂရုမစိုက်ကြပါ။ ငါးမျှားချိတ်ပုံကို ပြင်သစ်စာအထင်နှင့် လက်ထပ်ရေးနေကြသော အငယ် ဆုံးကျောင်းသားကလေးများပင် ဂရုမစိုက်ကြပါ။ ခေါင်းမိုးပေါ်တွင် ခိုများညည်းနေသံကိုကြား၍ " ခိုများကို တောင် ဂျာမန်လိုအညည်းခိုင်းကြဦးမှာလား " ဟု ကျွန်တော်တွေးမိသည်။
စာရေးရာမှမော့၍ကြည့်တိုင်း ဆရာကြီးဟာမ်လ် ကုလားထိုင်တွင် မတုန်မလှုပ်ထိုင်နေသည်ကို မြင်ရပါ သည်။ သူသည်အခန်းထဲတွင် ဟိုဘက်လှမ်းကြည့်လိုက်၊ သည်ဘက်လှမ်းကြည်လိုက်နှင့် တစ်ခန်းလုံးကိုကြည့် ကာ ထိုအခန်းလေးထဲတွင် မည်သို့ တည်ရှိနေကြသည့် အခြင်းအရာကို မှတ်သားနေသည်နှင့်တူပါတော့သည်။ စဉ်းစားကြည့်ပါဦး။
ဆရာကြီးသည် အနှစ် ၄၀ ပတ်လုံး ထိုနေရာတွင်ပင် နေထိုင်ခဲ့ပါသည်။ ထိုနေ့ တွင်ကဲ့သို့ ပင်အပြင်မှာ ဥယျာဉ် ကလေး၊ သူ့ အရှေ့ မှာ ကျောင်းသားတွေနှင့် အနှစ် ၄၀ သူထိုနေရာတွင် နေခဲ့သည်။စာသင်ခုံများ၊ ခုံတန်းလျား များသာကြာ၍ ချောမွတ်လာကြသည်။ ဥယျာဉ်ထဲတွင် သစ်ကြားပင်များ အတော်မြင့်လာပြီ။ သူကိုယ်တိုင်စိုက် သော ပန်းနွယ်များလည်း ပြတင်းများမှ ကပ်တွယ်ကာ အမိုးသို့ ပင်ရောက်နေလေပြီ။ ဤနေရာကို စွန့် ထားခဲ့ ရလျှင် ရင်ကွဲစရာသာဖြစ်တော့သည်။
သူ့ နှမသည်အိမ်ပေါ်တွင် ပစ္စည်းများကို သိမ်းဆည်း၍ သေတ္တာများကို စီစဉ်နေသံကိုကြားရသောအခါ သူရင်ကွဲချင်ပေလိမ့်မည်။ သူတို့ မနက်ဖြန် ဤကျောင်းမှ ထွက်ခွာသွားရတော့မည်။
သို့ သော် ဆရာကြီးကား သတ္တိရှိသူဖြစ်၍ သင်ခန်းစာများကို တစ်ခုမကျန်သင်ပေးနေလေသည်။ လက် ရေးသင်ပြီးသောအခါ ရာဇ၀င်သင်ရပါသည်။ ကလေးငယ်များမှာမူ " ဘာဘေဘီဘော-ဘူ " ဟု သင်ပုန်းကြီး အံကြပါသည်။ အခန်းချောင်ထဲတွင် အဘိုးကြီး ဟော်ဇာသည်လည်း ပရိုင်မာစာအုပ်ကလေးကို ဖွင့်၊မျက်မှန်ကို တပ်ကာ ကလေးများနှင့်အတူ စာလုံးလိုက်ပေါင်းနေပါသည်။ အဘိုးကြီးသည်လည်း ငိုနေပါသည်။ သူ့ အသံ သည် ၀မ်းနည်းမှုဖြင့် တုန်ယင်နေပါသည်။ သူ့ အသံကိုကြားရသော ကျွန်တော်တို့ မှာ ရယ်ချင်၊ ငိုချင်ဖြစ်မိပါ သည်။ ထိုနေ့ က ဆရာကြီးသင်သွားသော နောက်ဆုံးသင်ခန်းစာကို ကျွန်တော်ကောင်းကောင်းကြီး မှတ်မိပါ သည်။
ရုတ်ခနဲ ဘုရားကျောင်းမှ နာရီကြီးသည် ၁၂ ချက် တီးလိုက်ပါသည်။ထိုခဏ၌ပင်လျှင် စစ်ရေးပြရာမှ ပြန်လာသော ပြတ်ရှင်စစ်သားများ၏ ခရာတုတ်သံကို ကျောင်းပြတင်းအောက်တွင် ကြားလိုက်ရပါသည်။ ဆရာကြီး ဟာမ်လ်သည် မျက်နှာဖြူဖပ်ဖြူရော်နှင့် ကုလားထိုင်မှ ထရပ်လိုက်ပါသည်။ဆရာကြီး ဤမျှ အရပ် မြင့်ပုံရသည်ကို တစ်ခါမျှ ကျွန်တော်မမြင်ဖူးခဲ့ပါ။
" မိတ်ဆွေတို့ ၊ ကျွန်ုပ်………ကျွန်ုပ် " ဟု စကားစပြီး လည်ချောင်းတွင် ဆို့ လာသဖြင့် စကားကို သူမဆက် နိုင်ပါ။
ထို့ နောက် ဆရာကြီးသည် ကျောက်သင်ပုန်းကြီးဘက်သို့  လှည့်၍ မြေဖြူတစ်ခဲကို ကောက်ယူကာ ရှိသမျှ အားကလေးကို စုရုံး၍ စာလုံးကြီးများနှင့် " ပြင်သစ်နိုင်ငံကြီး အသက်ရာကျော် ရှည်ပါစေ " ဟု ရေးလိုက်ပါသည်။
ထို့ နောက်ဆရာကြီးသည် နံရံတွင် ခေါင်းကိုမှီထားကာ စကားတစ်ခွန်းမျှ မပြောဘဲ လက်ဖြင့်ပြလျက်-
" ကျောင်းလွှတ်ပြီ၊ သွားကြပေတော့ " ဟု အမှတ်ပေးလိုက်ပါသည်။
မင်းသုဝဏ်
0 comments