၃၂ ဘူတာကိုကျွန်တော်
ဆိုက်ရောက်ခဲ့တယ်...။
.................
.............................
...................................။
သေဖို့နီးလာတာလား...။
ဘာလဲ....တော့....



၃၂နှစ်မြောက်မွေးနေ့....။

Posted by Unknown on Sunday, February 17, 2013

တို့ ရွာသမိုင်း

သူတို့လာမှ
တို့ရွာသမိုင်း၊ အဖြစ်ရိုင်းသည်
တွေးတိုင်း တက်ခေါက်မိသတည်း။

ငါတို့ရွာတွင်
မိုးခါမိုးလျောက်၊ ငါးဖားလောက်၏၊
ဆောင်းလျောက်ဆောင်းခွင်၊ သီးပွင့်ရွှင်၏။
နွေလျှင်စုံတော၊ ဟင်းရွက်ပေါ၏။


သူတို့လာမှ
တို့ရွာအိုင်အင်း၊ ငါးဖားကင်းခဲ့။
စိုက်ခင်းစင်အုံ၊ သီးပွင့်ကုန်ခဲ့။
တောစုံမြိုင်ကြား၊ ဟင်းရွက်ရှားခဲ့။

ငါတို့ရွာတွင်
ရှေးခါအရှက်၊ အကြောက်ဖက်၍
ကျင့်ပျက်အမှု၊ မကောင်းစုကို
ပြုခဲပြောခဲ၊ တွေးကြံခဲ၏။

သူတို့လာမှ
ချော့ကာတမျိုး၊ ခြောက်တမျိုးနှင့်
ကျင့်ရိုးပျက်အောင်၊ မျှားသွေးဆောင်၍
ယောင်ယောင်မှားမှား၊ ကျင့်ပျက်ပြားခဲ့။

တက်တခေါက်ခေါက်၊ စိတ်နောက်နောက်နှင့်
တယောက်တမျိုး၊ ထဲကြံခိုး၍
တိုးတိုးတိတ်တိတ်၊ အတွင်းကျိတ်လျက်
စိတ်ချင်းညှိကာ၊ သွေးညှိကာလျှင်
ညီညာသောလိုက်၊ အချိန်ဆိုက်သော်
ကောက်စိုက်စူးတံ၊ ကောက်ဆွလှံနှင့်
ဝါးချွန်ကိုင်စွဲ၊ ဓားကိုင်ဆွဲ၍
ရွာထဲရွာပြင်၊ တောတခွင်၌
(မြို့ထဲမြို့ပြင်၊ ပြည်တခွင်၌)
သမင်ကိုကျား၊ ချောင်းသောလားသို့
စောင့်စားထိုးခုတ်၊ ရန်မျိုးဖြုတ်က
မျိုးယုတ်လူညစ်၊ သူကောင်ပစ်လျက်
လစ်သည်လွတ်ရာ၊ လွတ်ကြောင်းရှာသော်
တို့ရွာသမိုင်း၊ အဖြစ်ရိုင်းမှ
(မြန်မာသမိုင်း၊ အဖြစ်ရိုင်းမှ)
ရှိတိုင်းအမှန်၊ ထွန်းသစ်ပြန်သည်
တော်လှန်ရေး၏ ကျေးဇူးတည်း။ ။


-မင်းသုဝဏ်

Posted by Unknown on Wednesday, February 13, 2013
0 comments
categories: | | edit post


ကျွန်တော် မကျေညက်ခဲ့တဲ့  အမေ့ရဲ့ သင်ရိုး


ဘ၀ရဲ့ နေနည်းထိုင်ပုံတွေကို
သင်ရိုးတစ်ခုလိုသာ ရေးပေးထားခဲ့ရင် . . .
အခုဆို ကျွန်တော့်မှာ ပြန်ထုတ်ကြည့်လို့ အဆင်ပြေတာပေါ့အမေ . . .
အစကတည်းက မကောင်းခဲ့တော့
အနှောင်းကလည်း အလဲလဲ အကွဲကွဲပါအမေ . . .
အမေမရှိတော့တဲ့နောက်
ကျွန်တော်လျှောက်ရတဲ့ ဟောဒီလမ်းတွေ
ရှည်လျားေ၀၀ါးနေလိုက်ပုံများ
မိုးကုတ်စက်ဝိုင်းနားက တိမ်ခိုးသက်တန့် တံတားပါ အမေ . . .။

အမေသင်ခဲ့တဲ့ အမေ့ရဲ့ကျောင်း
ဘ၀ကို စာလုံးပေါင်းနည်းက စ
ကျွန်တော်ကလည်း နည်းနည်း အ တော့
ကျွန်တော့်ကို အမေအားမရခဲ့ဘူးမဟုတ်လား . .

ပညာတွေ မတတ်ပေမယ့်
သားတစ်ယောက်ရဲ့  စိတ်ကို အမေဖတ်ခဲ့တာ . . .
ဗေဒင်ဆရာတွေ ခန့်မှန်းတွက်ချက်တာထက်
ပိုလို့တောင် သေသပ်လှပခဲ့ပါတယ် အမေ . . .

ဒီသားရဲ့  ဒီစိတ်ဓာတ်
ငယ်ထိပ်ကို တက်နေတဲ့ ဒေါသတရားတွေ . . .

ဒီသားကို အနေခက်စေတဲ့
သူများထက်ပိုတဲ့ လောဘတရားတွေ . . .

နေ နေရတာက တောအုံ ချုံကြား
ကျွန်တော်မှန်းခဲ့တာက ဘုံဖျားရဲ့ အထက်
ဒီသားကို အသေသတ်မှာက
ဒီသားရဲ့ အတ္တတွေပဲတဲ့လား . . .

နားလည်ဖို့ . . . အားမငယ်ဖို့ . . .
စိတ်ရှည်ဖို့ . . . သိပ်မတေဖို့ . . .
သည်းခံဖို့ . . . နည်းမှန်ဖို့ . . .
..........................................
.................................................
ရွှေဥတဲ့ ဘဲ . . .
ရဦးမယ်လို့ ထင်နေသေးရင်
ရင်ကိုခွဲပြီး ရှာချင်ရှာတတ်တဲ့ လူမိုက်တွေရဲ့ အကြောင်း . . .
လူဆိုတဲ့ နာမည်တပ်ပြီး
လူတွေကြားထဲမှာနေ
အဆီကိုစားပြီး အသားကို မျိုတတ်လေတဲ့
လူ့ သဘတ်ကြီးတွေရဲ့ အကြောင်း . . .
ဟိုး ... အမြင့်ကို ရောက်ဖို့အတွက်
တက်ဖို့မသင့်တဲ့ အချို့ သောလှေကားတွေအကြောင်း . . .
အမေကတော့ ထောင်းထောင်းထအောင်
ပြောပြခဲ့တာပါပဲ အမေ . . .

သိရဲ့ လား အမေ . . .
ရေခံမြေခံက ကောင်းပေမယ့်
အမေစိုက်တဲ့ မျိုးစေ့က မမှန်ဘူး . . .
ကျွန်တော်ရှင်သန်ချင်ခဲ့တာက
ခေါင်းစဉ်တစ်မျိုးနဲ့ ဘ၀ အမေရဲ့  .........

"ချမ်းမြေ့ သာယာတဲ့ ဘ၀တစ်ခုအတွက်
ဟောသည့်တောင်ယာက သားတစ်သက်စားမကုန်ဘူး
ဟောသည့်မှာ ခိုင်းနွားတစ်ရှဉ်း
လယ်ထဲဆင်းဖို့မပူရဘူး
ဟောသည့်မှာ ၀က်မိတစ်အုပ်
သားတစ်သက်လုံး ထုတ်စားလို့ရတယ်
ဟောသည့်မှာ လှေငယ်တစ်စင်း
သားခင်းငါးခင်းပဲ ရှာရှာ
ဘယ်ရွာကို ဘယ်လိုသွားသွား
ငါ့သား မျက်နှာမငယ်ဘူးပေါ့"

"ဟား..ဟား....ဟား....ဟား.....
ရွှေပြည်အေးတရားတွေလား အမေ
အမေပေးတဲ့ တောင်ယာအလုပ်
ကျွန်တော်ဖတ်တဲ့ တက်ကျမ်းစာအုပ်မှာ မပါဘူး
နွားတွေနဲ့နေရင် ရွှံ့ စင်တာထက် ဘာများတိုးတက်မလဲ . .
အမေပေးတဲ့ ၀က်မိတစ်အုပ်
တစ်သက်လုံး ဟင်းစားလုပ်လို့ မရဘူး . . .
အမေပေးမယ့် လှေငယ်တစ်စင်း
ကျွန်တော်က မြစ်ထဲဆင်းပြီး ငါးရှာရမလား . . .
ကြည့်စမ်းပါ့အမေ . .
ဒီကောင်က တံငါနားလည်း မနေဘူး
မုဆိုးနားလည်း မသွားဘူး
အနာဂတ်ကို ဖွင့်ထားတဲ့ အိပ်မက်တံတားကို လျှောက်ပြီး
ပန်းတိုင်ကို အရောက်သွားမယ့် ကောင်ဗျ"

"တောမှာနေ ...တောမှာကြီး
ကျွန်တော့်ဘ၀က တောမှာမပြီးဘူး
လင်ကွန်းကို အမေသိသလား
သစ်လုံးအိမ်ကို အမေသိသလား
အိမ်ဖြူတော်ကို အမေသိသလား
ကျွန်တော်ကတော့ သွားမှာပဲအမေ . . ."


ခွင့်လွှတ်အမေ . . .
အဲဒီတုန်းက အိပ်မက်တွေ တစ်နင့်တစ်ပိုးကို
မျှော်လင့်ချက်တစ်ပွေ့တစ်ပိုက်နဲ့ လွယ်ပိုးထားတာဆိုတော့
အမေ့ရဲ့  ငိုခြင်းတရားတွေလဲ
ကျွန်တော့်နားထဲ ဘယ်ဝင်ပါတော့မလဲ အမေရယ် . . .

အမြင့်ကို မှန်းတော့
အကျကလည်း ကြမ်းတယ်အမေ . . .
ကျွန်တော်တက်တဲ့ အဲဒီလှေကားမှာ
လက်ရန်းက မပါဘူးအမေ . . .။

အခုတော့ ကျွန်တော်
ကျားရဲတောထဲမှာပါ အမေ . .
နွားသင်းကွဲလေး ကျွန်တော့်အတွက်
ချိုမြိန်မယ်ထင်တဲ့ အိပ်မက်တွေကလည်း
ခါးသက်လို့ သွားခဲ့ပါပြီ အမေ . . .

မြို့ ကြီးကြီး ပြကြီးကြီး
မာယာမီးတွေ ထိန်ထိန်ညီးနေတဲ့ ညနက်တွေမှာ
ကျရာဇာတ်ရုပ်ကို ကြုံသလို ကရင်း
ဖောင်းတာက တစ်ခါ
ပိန်တာက အခါတစ်သောင်း
ပါလာတဲ့ တက်ကျမ်းစာအုပ်တွေတောင်
ကျွန်တော်ရောင်းစားလို့ ကုန်ပြီကော အမေ . . .

သမုဒ္ဒရာ ၀မ်းတစ်ထွာတဲ့လားအမေ. . .
တစ်ကယ်တမ်း ဗိုက်ဆာတဲ့အခါ
စကြ၀ဠာတောင် မကပါဘူးအမေရယ်
ငတ်တာကို ရှက်စရာနဲ့ လဲစားရတာလဲ အခါခါ . . .
အမေ့ကိုတော့ အားနာပါတယ် . . .

ပတ်ဝန်းကျင် ကျွန်တော့်အနားမှာလဲ
အမြီးကျက်ရင် အမြီးဝါး
ခေါင်းကျက်ရင် ခေါင်းစားမယ့်သူတွေ များလွန်းလို့
အားကုန်ထုတ်ပြီးသွားခဲ့တာတောင်
ဟောဒီနေရာထက်ပိုပြီး
ဘယ်ခရီးမှ မနီးသေးဘူး အမေ. . .

" ဒီမယ်ငါ့သား . . .
ချမ်းသာချင်လွန်းအားကြီးတာဟာ
ငရဲပြည်ကို အလည်သွားဖို့
နဖူးကို ထုံးတို့တာနဲ့ အတူတူပဲ" ဆိုတဲ့စကား
အခုမှ ပြန်ကြားယောင်မိတယ် အမေ . . .

အမေသင်ခဲ့တဲ့ အမေ့ရဲ့ကျောင်း
ဘ၀ကို စာလုံးပေါင်းနည်းက စ
ကျွန်တော်က နည်းနည်း အ တော့
အဲဒီကတည်းက အမေ ကျွန်တော့်ကို
အားမရခဲ့တာ မဟုတ်လားအမေ . . .

ငယ်ငယ်တုန်းက တက်ခဲ့ရတဲ့
အမေ့ရဲ့ဘ၀စာသင်ကျောင်းမှာ
ပျော်အောင်လည်း မနေတက်
သင်ရိုးမကုန်ခင် ကျောင်းထွက်ချင်ခဲ့တဲ့ အမေ့ရဲ့ကျောင်းသား
တကယ်တော့ . . .
ကျောင်းပျက်ရက်ကလည်း များတယ် မဟုတ်လား အမေ . . .

ဘ၀ရဲ့ နေနည်းထိုင်ပုံတွေကို
သင်ရိုးတစ်ခုလိုသာ ရေးပေးထားခဲ့ရင် . . .
အခုဆို ကျွန်တော့်မှာ ပြန်ထုတ်ကြည့်လို့ အဆင်ပြေတာပေါ့အမေ . . .။ ။

သုသျှင်

Posted by Unknown on Sunday, February 10, 2013
0 comments
categories: | | edit post

ဒေါက်တာဂျော်နီ



ကျွန်တော်ဂျော်နီ၊ သရီးဒီကြောင့်
အမ်စီကို ရောက်ခဲ့တယ်။

မက်(စ်)၊ ဖစ်ဆစ်၊ အင်္ဂလစ်ရ်ှမှာ
ဒစ်စတင်းရှင်းတွေ၊ ဖြိုင်ဖြိုင်ဝေတော့
အိုင်အယ်လ်အေ ကောင်းခဲ့တယ်။
မောနင်းကျူရှင်၊ နိုင်ကျူရှင်နှင့်
ကွက်ရှင်ဟူသမျှ၊ အနံ့ရရာ
အိမ်ကကားနဲ့ ပို့ခဲ့တယ်။

ရီဇာတ်အောက်တော့၊ မျက်နှာမော့၍
ရင်ကော့နိုင်သေး၊ ဘာလိုသေးလဲ
ဆေးကျောင်း ဒါရိုက်ရောက်တော့တယ်။



အမ်စီတက်တော့
ဆိမ်းဗက်ခ်ျက၊ ခပ်ကြွကြွလေး
ကောင်မလေးနှင့်
စာမေးရင်းက ဆုံကြတယ်။
ဒီကောင်မလေး၊ အသွေးဖြူဖြူ
နှတ်ခမ်းထူသနဲ့။
အမူပိုပို၊ အဖိုအရှိုက်
ဘီးဟိုက်အုပ်လုံး၊ နားရွက်ဖုံးသနဲ့။

မျက်လုံးကစား၊ ခြေဖျားမြှောက်ချီ
ပိုးတီတွန့်ဟန်၊ ခေတ်ကဆံသနဲ့။

ဟန်ပန်သွက်သွက်၊ လျှပ်လိုလက်တော့
ပရက်တီကယ်မှာ ဆုံကြတယ်။


နောက်တော့....
'ကျမနာမည်၊ မော်လီတဲ့လေ
ဒက်ဒီတို့က၊ အမ်စီသွားပါ
ဆိုလို့သာဘဲ၊
ဝါသနာဆို၊ မပါလိုက်တာ
စိတ်ကုန်ပါရော'
ဘာရယ်ညာရယ်၊ ရယ်ပေါင်းစုံစွာ
ဟန်မူရာနှင့်။

'ဟိုလေ... အန်-အန်၊ ကာလ်တန်မှာ
အီတာလျံကား၊ လဲသွားပြီနော်
အော်- အော် ဟုတ်သား၊ မေ့များနေသေး
ဖရိုက်ဒေးဟာ၊ ကိုယ့်မွေးနေ့ပေါ့
ကိုယ့်မွေးနေ့မှာ၊ ယူလာရမယ်
လာရမယ်နော်၊ ယူ့အဖော်တွေ
ခေါ်ချင်ခေါ်ခဲ့'။

ဘာတဲ့ညာတဲ့၊ မဲ့ချည်နွဲ့ချည်
ဟိုသည်ကြောင်းရာ၊ စုံလေပါရော
ပန်ကာမလေး ဆိုလောက်တယ်။


တလနှစ်လ၊ သုံးလေးလမှာ....
လက်ဖက်ရည်ဆိုင်၊ ထိုင်လည်းတူတူ
လူသူစည်ရာ၊ ကော်ရစ်ဒါမှာ
လာလဲတွတ်ထိုး၊ ခန်းထောင့်ချိုးမှာ
တိုးတိတ်တိုးတိတ်၊ မွတ်သိပ်လှစွာ
ဘာညာဘာညာ၊ ဖြစ်ကြတာတွေ
တခါတရံ၊ အင်းယားကန်မှာ
မှန်ကလေးတချပ်၊ ဖျတ်ကနဲကွဲ
မြက်ခင်းထဲမှာ၊ လှဲကာလူးကာ
ကောင်းကင်ပြာက၊ ဟိုမှာတလုံး
သည်တလုံးဟု၊ ကြယ်ကုံးရေတွက်
တိမ်ကိုဖက်လျက်၊ သစ်ရွက်ဆုပ်ချေ

တညနေက
ရီဝေရီဝေ ထွေခဲ့တယ်။


သည်လိုနှင့်ပင်
ရုပ်ရှင်ကြည့်လိုက်၊ စာကျက်လိုက်နှင့်
တွဲလိုက်လည်လိုက်၊ ဖားခွဲလိုက်နှင့်
အမြိုက်အရသာ၊ ခံစားရာက
ဒေါက်တာဂျော်နီ ဖြစ်ပါရော။
ဒေါက်တာမော်လီ ဖြစ်ပါရော။


ထို့နောက် -
'ဒေါက်တာဂျော်နီ၊ အမ်ဘီဘီအက်စ်နှင့်
ဒေါက်တာမော်လီ၊ အမ်ဘီဘီအက်စ်' ဟု
ပြောင်လက်ကြေးပြား၊ အထင်းသားဝယ်
ကြွားကြွားရွားရွားပေါ်ခဲ့တယ်။
ကားနှင့်တိုက်နှင့်၊ မော်လီနှင့်မို့
တင့်တင့်တယ်တယ် ဖြစ်ခဲ့တယ်။


အို - အလုပ်သမား၊ လယ်သမား
ပြည်သူများတို့......
ဂျော်နီတို့လင်မယား၊ တန်ခိုးထွားအောင်
များများ ဖျားနာကြပါကုန်။

တင်မိုး
တင်မိုး - စိမ်းလန်းသောအိပ်မက်၊ ပထမနှိပ်ခြင်း၊ သမဂ္ဂစာပေ၊ ၁၉၆၉ ဇူလိုင် ၂၅ ရက်

Posted by Unknown on
0 comments
categories: | | edit post


အဖိုးကြီးစစ်တမ်း


အသက်ကလေးထောက်ခါမှ
အရက်ခွက်ကလေး တမြှောက်မြှောက်
ချက်အောက်စကားတွေ တပြောပြောနဲ့
တသောသောနေ
အမောဖြေနေတဲ့ အဖိုးကြီး။
သေရိပ်နီးခါမှ
စပ်ပုတီး နာနာကိုင်
မဟာမြိုင် တောရမှီးပေမဲ့
ဒေါကလဲ ကြီးတတ်သေးရဲ့
လောဘမီးကလဲ အရှိန်ဟပ်
အိမ်မကပ်နိုင်တဲ့ အဖိုးကြီး။
ရွာလယ်မှာ စွာကျယ် စွာကျယ်နဲ့
ငါဟယ်မင်းဟယ်
ငြင်းမယ်လို့ မကြံနဲ့
မင်းတို့ကမမှန်
ငါသာလျှင် အမှန်လို့၊ ငါမာန်တွေတက်
ငါအရိုးမျက်နေတဲ့၊ လက်တို အခက်ပို အမျက်သိုနေတဲ့ အဖိုးကြီး။
ဒီလို အဖိုးကြီးမျိုးတော့ ဆောရီး..ဆောရီး
မဖြစ်ချင်ပေါင်။
ကြွေခါနီးတဲ့ သစ်သီးလို
အသက်ကြီးတော့လဲ အဖိုးကြီး ဖြစ်မှာပေါ့လေ..
ဒါပေမဲ့ ရိုးရိုးကုပ်ကုပ်
ပုဆိုးစုတ်ကလေးနဲ့ပဲဖြစ်ဖြစ်
ကိုယ့်အလုပ် ကိုယ်ဆင်း၊ ကိုယ့်ယာခင်း ကိုယ်စိုက်
လျှာအလိုမလိုက်၊ ဘာကိုမှ မကြိုက်
ပျော်ပိုက်ရာ တော်ထိုက်ရာနေ
စာပေလဲ မပြတ်၊ ကဗျာတွေလဲ ဖတ်
ရပ်သူရွာသားတွေနဲ့
ထပ်တူမခြားနေတတ်တဲ့
ဇရပ်ငုံးတို တာတမံ ခရိုး အနီးက
မပြတ်ပြုံးချိုနေတဲ့ သာမန် အဖိုးကြီးပဲ ဖြစ်ချင်တယ်။
တင်မိုး

Posted by Unknown on
0 comments
categories: | | edit post


မစ္စတာအာရာဖတ် ခင်ဗျားနဲ့ ကျွန်တော့်ကြားမှာ အရက်တစ်ခွက်ချထားရအောင်


ခင်ဗျားနာမည်နဲ့ အနက်ကို ဖယ်ပြီး နှုတ်ဆက်လိုက်ပါတယ် အာရာဖတ်
အာရာဖတ်ဘူတာရုံလေးထဲက အာရာဖတ်တွေဟာ
နာရီပေါ်က ပုရွက်ဆိတ်တွေ
အာရာဖတ်ကို အစဖျောက်ဖို့ ဘူတာရုံလေးထဲမှာ တစ်ယောက်ကို တစ်ယောက် အနံခံနေကြ
ခင်ဗျားဟာ အာရာဖတ်အကြောင်းပါတဲ့ သတင်းစာအဟောင်းကြီးကို ထိုင်ဖတ်လို့ပေါ့
မစ္စတာအာရာဖတ် ထောင့်ကျကျမှာ ရပ်နေတဲ့ ခင်ဗျားဟာ
အုတ်ပုံကြားထဲက အာရာဖတ်ညစာ အပျက်အစီးတွေအကြောင်း စဉ်းစား
ဒီမှာ အာရာဖတ် ဟောဒီပုလင်းရဲ့တံဆိပ်ဟာ ယစ်ဇတ်ရာဘင်ပဲ၊ သွေးရည်ကြည်တွေပဲ
ခင်ဗျာ့နာမည်နဲ့ အနက်ကို ဖယ်ပြီး ဆုတောင်းလိုက်ရအောင် အာရာဖတ်
အာရာဖတ်ဟာ အာရာဖတ်နေ့တွေအတွက် တစ်ခွက်သောက်သင့်တယ်
ပါလက်စတိုင်းကလေးတွေက အာရာဖတ်စာလုံးကို အဘိဓာတ်ထဲမှာ ရှာကြရ
ပြောင်းပူနေတဲ့ ရိုင်ဖယ်ရဲ့ ထွင်းစာလုံးဟာ အာရာဖတ်
အာရာဖတ်ဟာ ဒီပန်းရိုင်းရဲ့ နာမည်
အာရာဖတ်လေးတွေဟာ ကာရာမဇော့ထဲက မြက်ဖုတ်ကြီးရဲ့သားတွေ၊ အကိုက်အခဲတွေ
သူတို့မှာရှိတာက ချောက်ချားနေတဲ့ အာရာဖတ်ရဲ့ လက်သည်းတွေ သွားတွေ ခဲတွေ
အာရာဖတ်ပုံပါတဲ့ ဖဲချပ်တွေထဲမှာ ခင်ဗျားဟာ သေဆုံးပြီးသား အင်္ကျီထူထူကြီး
နှင်းတွေ သိပ်ကျနေပါတယ် အာရာဖတ်
ရထားက အခုထိဖမ်းရခက်နေတဲ့ ၀ိညဉ်
ဒီတစ်ခွက်ဟာ အာရာဖတ်နေ့ရက်တွေအတွက်ပါလေ
အာရာဖတ်ရဲ့ ဖိနပ်ခွာသံတွေ ခင်ဗျားကို အနံ့ခံရင်း လာနေပြီ
နှင်းမကွဲသေးဘူး အာရာဖတ်၊ ပါလက်စတိုင်း လိမ္မော်သီးတွေက
လူသေ အရေပြားအတိုင်းပဲ တင်းရင်း အေးစက်
အာရာဖတ်ပုရွက်ဆိတ်တွေ ဘူတာရုံနာရီကြီးကို ကိုက်ဖဲ့နေတုန်း
ဒီခွက်နဲ့  ဒီစားပွဲကို ရိုက်မချလိုက်ပါနဲ့ အာရာဖတ်၊
ရထားနဲ့ ဘူတာဟာ သွေးကြောပြတ်နေတယ်
အာရာဖတ်နာမည်နဲ့ အနက်ကိုဖယ်ပြီး ဒီတစ်ခွက်ကို အရသာရှိရှိငုံ့ကြည့်
ဘယ်ထောင့်ကလာတဲ့ ကျည်ဆန်ပဲဖြစ်ဖြစ် အာရာဖတ်၊
သေပြီးရင်တော့ ဘာကမှ သတ်လို့မရတော့ဘူး။
ဇော်လူစိမ်း

Posted by Unknown on
0 comments
categories: | | edit post


ပုဂ္ဂလိကပိုင်အလွန် ငါးမိနစ်ဘက် ရောက်သွား
မနေ့ကအထိ စစ်နဲ့ပတ်သက်ပြီး အဖျားတက်ခဲ့၊ စစ်တုပ်ကွေး
ဗိုက်ဆာပြီ၊ အခုသုံးမိနစ်ပြာကျသွားပြီ၊ ကဗျာကို ကဗျာနဲ့ တုံ့ပြန်တာ
အခေါက်ကင်ဟာ ခေါက်ထားရာကနေထာလာ၊ ခွတော့ကျပြီ
ဟုတ်၊ ကျုပ်ဘက်က သုံးမိနစ်ဟာ အဖတ်မတင်တော့ဘူး
ပျက်ကျသွားတယ်၊ ထိုးဆင်း
စောင့်နေရင်းက အရေပြားရဲ့ အရောင်တွေ ပြောင်းသွားတာ
ပိုးတုံးလုံးပြင်ဆင်ချက် လျှောက်ထားခြင်း
ဝန်ခံချက်၊ ကတိတွေ တတိတိနဲ့ ခွေးတွေ လျက်ကုန်တာ၊
အဆိုပါ အငွေ့ပြန်လွယ်သော
မီးလောင်သစ်ငုတ် ငုတ်တုတ်လူနှင့် ပတ်သက်၍ အရေပြားနုလေးတွေဆီက
ဖွေးကနဲ ဖြစ်ရပ်ဆန်းများ ပေါက်ချလာပြီဆိုတော့၊ ကာမဂုဏ်တွေ
ဖဲ့ရွဲ့လိုက်မယ်
ဆီးလမ်းကြောင်းထဲက ကြေငြာချက်၊ သစ်သီးနံ့ပါတဲ့ အမျိုးသားသီချင်းနဲ့
အလံဟာ လေမှာ တဗျင်းဗျင်းကုတ်နေတယ်၊ နှာချေမယ်၊
အမည်မဗိုင်းယပ်စ်နဲ့ ၀င်ဆောင့်တာ
သွားဖုံးတွေ အကြည်ညိုပျက်အောင် သွားတွေကို ဖိစေ့ထားမိပါရဲ့
ကျုပ်ဘက်က လေးမိနစ်ကတော့ အရိုးတခြား အသားတခြားပဲ
ဗလောင်းဗလဲ
အပျင်းကြောတွေကို ယုယထားရတာကိုက ငရဲ့ကြီးတော့မယ်၊
မြွေကိုက်၊ ဘုရားစူး
အခု ကျုပ်ထိုင်ခုံလေးကို ဖင်ခုထားရင် အဲဒါကို ကန်ထုတ်ပြီး
ထရပ်လိုက်တော့မယ်
ဘောင်းဘီအပြာရောင်ကို ၀တ်ထားရင် ဘောင်းဘီဖင်ကို ဖုန်ခါပြီး
ဖျတ်ဖျတ်လူးတော့မယ်
လည်စည်း စည်းထားမိရင်တော့လား ကျုပ်လည်ပင်းကို သစ္စာဖောက်
ဆွဲညှစ်မိတော့မယ်
ဟုတ်လို့လား၊ ပြီးခဲ့တဲ့ ငါးမိနစ်လောက်က
အထက်လွှတ်တော် အောက်လွှတ်တော် လာသွားလား
ဟုတ်လို့လား၊ လည်စည်းအ၀ါနဲ့ လူ ဘောင်းဘီအပြာနဲ့လူ လာသွားလား
ဟုတ်လို့လား၊ အလံစီးလာတဲ့ လေဆိပ်တွေ၊ ဆိပ်ကမ်းတွေ၊
ဟိုတယ်တွေ မီးနီဖြတ်လာတုန်း
ကျုပ်ဖနောင့်ဟာလည်း
နောက်ကို တစ်လှမ်းခေါက်ထွက်ပြီး ခုန်ရှောင်လိုက်ရတယ်
ဟုတ်လို့လား၊ ကျုပ် လာ/သွားတယ်မို့လား။


ဇော်လူစိမ်း

Posted by Unknown on
0 comments
categories: | | edit post


နင်နဲ့ငါ သဘာဝတရားဆီ ပြန်ဆုတ်ခွာ
ပြန်တွေ့တော့ ပြောမိတယ် ဆူးလေ ၆ခ/၇၁၈၅
ခေါက်ရိုးတွေက စုတ်ပြတ်ထွက်
အပြန်အလှန်ကျေနပ်မှုကို ထုခွဲကြည့်တာ
နင်က သာမန်ထက် နှစ်ဆ ချောမွေ့ပျော့ပျောင်းစေတာချည်းပဲ
တစ်နေကုန်နေမှ တစ်နေကုန်
နင်နေတဲ့ မြို့ကြီးဟာ ဖုန်းလိုင်းတွေထဲမှာ
ဖြူဖပ်ဖြူရော် စကားလုံးတွေချီပြီး လျှောက်ပြေးနေတဲ့ ကြွက်တွေ
ကြွက်တစ်ကောင်ဟာ နင့်နာမည်ကို ချီပြီးမှ
အများသုံးဖုန်းထဲကနေ လှစ်ခနဲ
နင်အိပ်နေတုန်း တံခါးကို ကိုက်ဖဲ့နေရတာ မောတယ်။
ဝရန်တာပေါ်က ပန်းအိုးတွေ မမြဲဘူးလို့ နင်ပြောတာ
ငါပြောတာက
ချစ်ခဲ့ရတာ ကပ်ဆိုက်တာပေါ့ဟာ
တကယ့်ဒုက္ခက
နင်နဲ့ ငါ့ကြားမှာ လမ်းကူးမျဉ်းကျားတွေ ရုပ်သိမ်းဖို့
မလိုအပ်ဘဲ ဟွန်းမတီးဖို့
မှန်တံခါးနောက် ဖြတ်ကျန်ခဲ့တဲ့ အပြာရောင်(ဇ)
နင်က ပြုပြင်ဆဲ ယာဉ်
ပွတ်မိတဲ့ ရွက်ကြမ်းရေကျိုစိတ်လေးမှာ
အတွင်းသား ပွန်း၊ စပ်၊ အစိုင်အခဲ
စက္ကူပုံးခွံကြီးတွေ ငုတ်တုတ်၊ ဒီမျက်နှာကြီးတွေ
ကော်ဖီဆိုင်ဟာ ဘာယားယံခြင်းမှ မရှိဘဲ တိုးတိတ်ပဲ့ရွဲ့လို့
မှန်ထဲကနေ တစ်ယောက်မျက်နှာတစ်ယောက်ဆီ သရိုးသရီဖုပိမ့်
လမ်းမပေါ်က ပလပ်ဂ်ပေါက်တွေအတိုင်း စီးဝင်ကြတယ်မဟုတ်လား
ဖရေဇာဟာ ရေကြီးတယ်၊ အရိုင်းအရွတ်တွေ ဖွေးဖွေးလှုပ်
ဝတပြီးသား အထည်ဆန်းတွေက ဇာတ်ကြောင်းပြန်နေတဲ့ ညနေ
မီးပွိုင့်နီနေတုန်း ငါနင့်ကို လက်နက်ချလိုက်တာ
ဆယ့်ငါးစက္ကန့်
နင်ချွတ်ချလိုက်တဲ့ အ၀တ်တစ်ခုလို ငါ့မြို့ပြက ပုံလျက်သား
အဲဒီပလက်ဖောင်းပေါ်မှပဲ နင်နဲ့ ငါသစ်တောပြုန်းခဲ့တာ ကောင်းလား။

ဇော်လူစိမ်း

Posted by Unknown on
0 comments
categories: | | edit post


နင်အင်မတန် ပလီတယ်
သွားရင်းလာရင်း ဓားဓားချင်း လှံလှံချင်း
နင်နဲ့ငါ စကားချင်း အချိတ်အဆက်တွေ ပြုတ်ထွက်
စီးချင်းထိုးမလားဟေ့ဆိုရင်တော့ နင့်အကြည့်က ငါ့လည်ပင်းကို ပိုင်းဖို့ပဲ
ဒိုင်းတွေမရှိတော့ဘူး၊ အုန်းခွံရောင်မြင်းတွေ သမိန်ဗရမ်းတွေ ကားကုန်ပြီ
ပန်းဝင်လာတဲ့ ပြိုင်ကားတွေလည်းပဲ ပြိုင်းလို့ ပြုတ်ထွက်လို့ စရိုက်ကြမ်း
နင့်အလျော်အစားကလည်း လန်းသလား မမေးနဲ့
မျက်လုံးတစ်လုံးဆို တစ်လုံးချင်း
နံရိုးတစ်ချောင်းဆို တစ်ချောင်းချင်း
သူတောင်းစားက ပြတ်နေတဲ့လက်တစ်ဖက်ကိုပြပြီး
လူတကာဆီ အလျော်တောင်းတယ်
ဒုက္ခသည်ဦးထုပ်ဆောင်းပြီး ငါနင့်ဆီမှာ ရိုကျိူးလိုက်ပါရဲ့
ငါ့ရွေ့နေတာက ဘယ်ဝိုက်ညာဝိုက်
ငါပြောနေတာက သွယ်ဝိုက်တာတွေ ကွယ်ဖိုက်တာတွေ လုံးဝမပါ
စစ်ပွဲသတင်းထဲမှာ ဖီးယက်ကား ကြော်ငြာဝင်လာတော့မှ အသက်ရှုလိုက်ရတာ
အသက်ရှုကြမ်းလာတဲ့ ဆိုင်ကယ်တွေဟာ စစ်မြင်းတွေကို
တော်လှန်ခဲ့တယ်ဆိုတဲ့ ကြော်ငြာမျိုး နင့်သွေးတိုး ငါစမ်းမိ
ဖြစ်နိုင်ခြေများသလို၊ ချေလည်း ဖြစ်နိုင်တဲ့တီရှပ် နင်ဝတ်ပေါ့
ငါတို့လျာထားချက်တွေက မျက်စိမပွင့်ဘူး
နင့်အရေးပြားက ငါ့လက်ထဲမှာ ဒေါသကြီးပြနေတာ
ကြွေမိလ္လာခွက်ထဲမှာ တစ်မြို့လုံးရဲ့ စကားသံတွေ၊ ချောင်းဟန့်သံတွေ၊
ညစ်တီးညစ်ပတ် ရယ်သံတွေ
ဖုန်းတစ်လုံးက နင့်ခေါင်းအုံးနားမှာ
ကြွက်သေတစ်ကောင်ယောင်ဆောင်နေတယ်
ဒီနေ့ ငါတို့ကို အပိုင်းပိုင်းအတစ်တစ်ဖြစ်ဖို့ သူ့ အစိတ်အပိုင်းတွေကို
ကျစ်လစ်အောင် စုစည်းနေတယ်
ငါ့ဆီကို တေ့ထားတဲ့ နင့်နှုတ်ခမ်းတွေ ဖြုတ်လိုက်တာနဲ့ တစ်ခန်းလုံး
ရစရာမရှိမယ့်အဖြစ်
ဒီကောင့်စံနက်တံက အေးရာအေးကြောင်းပေါက်ကွဲဖို့ ချောင်းမြောင်းလို့
နင့်လက်သည်းတွေက နင်လက်လှမ်းမမှီတဲ့ နေရာ
ငါ့အရေပြားတွေက အခန်းအပူချိန်ထဲမှာ၊ နေရောင်
တိုက်ရိုက်မကျတဲ့ နေရာ
နင်နဲ့ ငါ တံခါးချက်ကို ဘယ်သူအရင်ပြေးဖွင့်မလဲ
မျက်လုံးချင်းချိန်လိုက်ရာက
တိုက်ပွဲစပြီ။

ဇော်လူစိမ်း

Posted by Unknown on
1 comments
categories: | | edit post

 တောင်မြင့်မို
အမြင့်ဆိုခေါင်ကတစ်။
အမေ့မေတ္တာနဲ့
နှိုင်းယှဉ်ကာ သူတုတော့
ဂမုငယ်ဖြစ်။
 အနောဒတ်ရေ
အေးမြစေ ခေါင်ကတစ် ။
အမေ့ရင်ရိပ်နဲ့
တဆိတ်ငယ် မယှဉ်စွမ်းတော့
ရေပူစမ်းဖြစ် ။
ကရဝိတ်သံ
ဂီတစံ ခေါင်ကတစ်။
အမေ့တေးနဲ့
ယှဉ်ရေးမှာသူမဝံ့တော့
နှုတ်ဆွံ့သူဖြစ် ။
ပန်းမဉ္ဇူ
လှိုင်ကြူရာ ခေါင်ကတစ် ။
အမေ့ကိုယ်ကျင့်နဲ့
ချင့်စက်ကာ ပြိုင်ဖြန့်တော့
အညံ့ပန်းဖြစ် ။
ဖိုးလမင်း
အလင်းတွင် ခေါင်ကတစ် ။
အမေ့အပြုံးနဲ့
ပခုံးချိန် သူထိုးတော့
ပိုးစုန်းကြူးဖြစ် ။
သမုဒ်ပြင်
နက်ရှိုင်းတွင် ခေါင်းကတစ် ။
အမေ့သစ္စာနဲ့
တုဖက်ကာချိန်စက်တော့
ရေပူစမ်းဖြစ် ။
မိုးကောင်းကင်
ပြန့်ပြောတွင် ခေါင်ကတစ် ။
အမေ့မျက်နှာနဲ့
တုဖက်ယှဥိ ပြိုင်လို့မှုန်းတော့
ကျောက်သင်ပုန်းဖြစ် ။
ကြီးမြတ်မှုအဝဝ
လှပမှု အထွေထွေ
မြတ်မွေးမေ ခြေစုံရင်း
ဝပ်ဆင်းရပေ ။
မြတ်ဗုဒ္ဓ သော်မှ
ဝါသုံးလ ပေးဆပ်ချေ
မကျေခဲ့မိ နို့ဖိုး။
ကဗျာဆို သားငမိုက်က
လင်္ကာတို ထွာတစ်ပိုဒ်နဲ့
ဦးခိုက်ကာ လက်စုံယှက်
နို့တစ်စက်ဖိုး ။ ။
ကံထွန်းသစ်

Posted by Unknown on
0 comments
categories: | | edit post

သခင်အောင်ဆန်းတရား

ငါ့ညီ ပြောင်ဝင်း၊ မောင်သစ်ဆင်း
မင်း၏ သားငယ်၊ မင့် သက်လှယ်ကို
အဘယ်တရား ဟောမည်နည်း။
ဆန်း၏ သတ္တိ
ဆန်း၏ သမာဓိ၊ ဆန်း၏ ပညာ
ဟောစရာကား၊ အလွန်များ၏
မင့်သားအရွယ်၊ သက်နှစ်ဆယ်တွင်
လူငယ် အောင်ဆန်း၊ သူ့ အစွမ်းကို
ပန်းကောင်းတပွင့်၊ ပန်ဆင်တင့်သို့
မင့်သား သိစေချင်လှ၏။
သူ့ အစွမ်းကား၊ အခြားမဟုတ်
အအုပ်ချုပ်ခံ၊ မျိုးခြားဒဏ်မှ
မြန်မာလွတ်လမ်း၊ ခရီးကြမ်းဝယ်
ဗန်းပြအလှ၊ ပကာသနကို
ပြာကျ လောင်မြိုက်၊ သူ မီးတိုက်၏
ခေတ်လိုက်ခါညီ၊ ခေတ်မီပညာ
ကြုံရာဘ၀၊ မျှတလုံလောက်၊ ခံမြို့ဆောက်၏
ထိုနောက် တဆင့်၊ မိုးထိလွင့်အောင်
ရိုးကျင့် မြင့်ကြံ၊ သူ့အလံတည့်
ပျံတလူလူ၊ သူထူခဲ့ကြောင်း
ခေါင်းဆောင်သဘော
မင့် သားချောကို
ပြောလိုက်ပါဘိ ဟောပါဘိ။      ။
ဇော်ဂျီ

Posted by Unknown on
0 comments
categories: | | edit post


စစ်ဆိုတာ
ကမ္ဘာမြေပေါ့ပါးအောင် စစ်ထုတ်လိုက်တဲ့ ရေစစ်လား
ငြိမ်းချမ်းရေးဆိုတာ
သေခြင်းမှာ လူတွေငြိမ်းချမ်း
ဒုက္ခတွေ သိမ်းသွားတာကို ဆိုလိုသလား။
သေနတ်သံတစ်ချက်မှာ သွေးတစ်စက်ဆင်းလာ
အစဉ်အဆက် ဒါဆို
နှင်းဆီတွေရဲနေတာ သွေးသောက်ထားလို့ပေါ့
ညနေ ညနေ နေလုံးကြီး နီရဲနေတာ
သေနတ်မှန်ထားလို့ပေါ့
သေချာပြီ ငါတို့နှလုံးသားများ နီရဲနေတာ
သေချာပြီ ငါတို့ သံသယဟာ မြဲခဲ့ပြီ
ကြည့်လေ … ရွှေဒင်္ဂါးပြားလေး
တစ်ဖက်မှာ ပန်းဥယျာဉ်
တစ်ဖက်မှာ ခေါင်းပြတ်
နောက်ထပ် ခုတ်ဖဲ့ထားတဲ့ လရဲ့မျက်နှာပြင်ပေါ်မှာ
သွေးလန့်နေတဲ့ အဘိုးအိုနဲ့ ယုန်တစ်ကောင်
ဟေ့ … လူတွေ
ကိုယ့်ဒဏ်ရာ ကိုယ်မေ့
ကော်ဖီဆိုင်ထိုင် ဂျာနယ်လေးတစ်စောင်ဖတ်လို့
စီးကရက်လေးဖွာ ဂြိုဟ်တုသတင်းတွေ စောင့်ကြည့်လို့
အိုးနဲ့ အိမ်နဲ့
ကမ္ဘာ့အနှံ့အပြား
ခင်ဗျားတို့ အိုးမဲ့ အိမ်မဲ့တွေကို အရသာခံနေလို့။   ။

ခရမ်းပြာထက်လူ

Posted by Unknown on
0 comments
categories: | | edit post



မြန်မာတို့အတွက် ကဗျာတစ်ပုဒ်

'ငါ' သာလျှင် တော် ၊ 'သူ' မတော် ဟု
လူတော် ထင်ပါ ၊ တို့မြန်မာကို
ဘယ်ခါ ဆယ်၍ ရမလဲ ၊၊

ကြွားရင်းနှင့် နစ် ၊ ဝါးရင်း နစ်သည့်
နစ်လျက်နေပါ ၊ တို့မြန်မာကို
ဘယ်ခါ ဆယ်၍ ရမလဲ ၊၊

အကောင်း, ဆိုးထင် ၊ ဆိုး, ကောင်းထင် နှင့်
အထင်လွဲပါ ၊ တို့မြန်မာကို
ဘယ်ခါဆယ်၍ ရမလဲ ၊၊

'သူ့'ကို ငါညှိုး ၊ 'ငါ့' သူညှိုးနှင့်
အညှိုးကြီးပါ ၊ တို့မြန်မာကို
ဘယ်ခါ ဆယ်၍ ရမလဲ ၊၊

ညည်း၍ မပြီး ၊ ညူ, မပြီးဘူး
အပြီးတကာ ၊ လုပ်နိုင်ပါမှ
တော်ရာရောက်လိမ့် နောင်အဖို့ ၊၊
နိုးကြ ထကြ မြန်မာတို့ ၊၊
သားမြေးတို့တွက် ကြိုးစားစို့ ၊၊
credit:http://www.maukkha.org/index.php/book-store/poem-maukkha/2638-2012-12-07-09-01-22

Posted by Unknown on
0 comments
categories: | | edit post


ဆုံတွေ့ကြတဲ့အခါ

ဒီအချိန်ဆို ...

တိမ်ညိုညိုတွေ ပြိုနေပြီပဲလေ ... ။

အမြင့်ပျံ ငှက်တအုပ်

ခပ်သုတ်သုတ် အိမ်အပြန်

တိမ်ယံထက်က နေမင်း

နှုတ်ဆက်ရင်း အလင်းချွေ

တောင်စွယ်မှာ ... နေကွယ်လုပြီလေ ... ။

အိပ်မက်တွေကို ကျောခိုင်း

လေရိုင်းတွေကို စီးနင်း

ခရီးပြင်းကို ဆက်နှင်

ပြန်လာခဲ့ချင်လျက်

အတွေ့ခက်ခက်

နေ့ရက်တွေထဲမှာ

ခွဲခွါခြင်းတံတိုင်းတွေ ကာထား

ကမ္ဘာတွေလဲ ခြား ... လို့ ... ။

ဒီရေလှိုင်း အကျမှာ

အိမ်ပြန်ရလေမလား ...

ဒီသောင်ယံအိုမှာ

ခိုလှုံရမှာလား ...
စဉ်းစားရင်း မောလျ

သောကညရဲ့ အလယ်မှာ

ကြယ်တွေကို ရေတွက်ရင်း

လမင်းအကြွေကို ကောက်

အိမ်အရောက် ပြန်ခဲ့ပါရစေ ... ။

ဆုံတွေ့ကြတဲ့အခါ ...

အမှားတွေထဲမှာ ပျော်မွေ့

အမှန်တွေကို မေ့ပစ်ရင်း

လွတ်လပ်ခြင်း တေးကိုသီ

ကာရန်ညီ ကဗျာတွေဖွဲ့မယ်လေ ... ။ ... ။


မေဓာဝီ
၂၈၊မေ၊၂၀၁၁
http://maydar-wii.blogspot.com/2013/02/blog-post_6.html မှကူးယူပါသည်...။

Posted by Unknown on Wednesday, February 6, 2013
0 comments
categories: | | edit post


ရန်ကုန်လည်ပြန်
မောင်လွမ်းဏီ

ခြင်္သေ့ရုပ်တုတွေ
မျက်စောင်းခဲနေတဲ့ ဆူးလေဘုရား
ခိုပြာခိုနက်ကလည်း လူလန့်စာစား။

ဗန္ဓုလကျောက်တိုင်လား
ဓားလွတ်တောင် မထောင်နိုင်။

အမှိုက်က စ
ပြာဿဒ်မီးလောင်ပဲ ကြားဖူးပါတယ်
အမှိုက်မသိမ်းလို့
ကာရာအိုကေယိမ်းက
အမှိုက်ပုံဘေးမှာ
တော်သလင်းအိမ်ရာဖြစ်သတဲ့။

လေလံသာပစ်
ဘာဖြစ်ဖြစ်၊ ဖြစ်တဲ့ခေတ်လို့
အရေးတော်ပုံ ၂၄ နှစ်သား
နိုင်ကျဉ်းကျောင်းသားတယောက်က ခနဲ့တယ်။

ရေးတတ်ရင် ၀တ္ထုဖြစ်သလို
ဝတ်တတ်ရင် ပေါ်ပင်ဖြစ်မှာပါ
ဆင်ဆာမဲ့ မီဒီယာခေတ်ဦး
အသစ်ဖူးတွေနဲ့ တဝေေ၀ ဆိုသူက ဆို။

ပြည်တော်ပြန်
အသံတချို့က
ညှီစော်နံသတဲ့၊ ဆိုမယ့်ပြောမယ့်သူတော့ ရှိသေး။

သင်းခွဲရတာ၊ ထင်းခွဲရတာလောက်
မခက်ပါဘူး ကိုယ့်လူရာ ဆိုပါလား
မီဒီယာမှာ ကြားမိတာ။

အဲလိုကောင်စားတွေကိုများ
နင့်မေကလွှား၊ မင်းတို့မို့
လက်ဖ၀ါးချင်းထပ်၊ ပါးချင်းကပ်ကြရတယ်လို့။ ။

မောင်လွမ်းဏီ
၁၅-၁-၂၀၁၃



credit:http://drlunswe.blogspot.com/2013/01/blog-post_20.html 

Posted by Unknown on
0 comments
categories: | | edit post


သိန်းစွန်ငှက် အပြန်လမ်း
ပိုင်စိုးဝေ

နောက်ဆုံးအခေါက်ပါပဲ
ကျနော် ရွာကို ပြန်လာခဲ့ပါတယ် အမေ။

ရွာဆိုတာ
တမာ ထနောင်း
ရှားစောင်း ပြာသာဒ်
သန်း ဒဟတ်ပင်တွေနဲ့
မိုးနှံချုံပုတ်၊ ရှားပင်ငုတ်တို
နီညိုညို ကျောက်ခဲလုံးတွေနဲ့
ထန်းပင်မြင့်မြင့်ကြီးတွေကြားက
တဲကလေးတလုံးပါ။

အဲဒီတဲကလေးထဲ
အမေ လဲလျောင်းနေပေါ့။ 

အမေ ...
ကျနော် ရောက်လာပြီ အမေ
အမေ့ခြေအစုံကို ပွေ့ဖက်
အသံမထွက်ဘဲ ကျနော် ငိုတယ်။

ထန်းပင်မြင့်မြင့်ကြီးတွေပေါ်က
ရွက်ယောင်းခြောက်တွေ
တရှဲရှဲမြည်လို့
ကျနော့်ကို စကားမပြောချင်လို့
အမေ့သွားတွေ တင်းတင်းစေ့ထားသလား၊
ကျနော့်ကို မမြင်ချင်လို့
အမေ့မျက်လုံးတွေ မှိတ်ထားသလား၊
ထ ကြည့်ပါဦး
စကားပြောပါဦး အမေရယ်။

ဟော ... အမေ ...
အမေ့ကို သူတို့
ဟိုးမှာ မန်ကျည်းပင်တွေ စိမ်းစိမ်းညို့ညို့နဲ့
ဇရပ်အိုအို
ကျောက်တုံးနီညိုညိုတွေ စီထားတဲ့
သင်္ချိုင်းဆိုတဲ့နေရာကို
ပို့ကြတော့မလို့တဲ့။

လှည်းဘီးကို ပြင်ဆင်ပြီးကြပေါ့
အမေ့အလောင်းကို
ခေါင်းထဲထည့်ကြပေါ့
ကြေးစည်ကို
ရိုက်နှက်ကြပေါ့
ကျနော် မငိုပါဘူး အမေ
ငိုလို့ မရတော့ဘူး အမေ။ 

အမေ့မြေးကလေးလေးတွေ
ကျနော့်တူနဲ့ တူမလေးတွေ
သူတို့ ငိုပါစေ။

အမေ့သား သူတို့ရဲ့အဖေ
ကျနော့်အကိုကြီး
အမေ့သမီး သူတို့ရဲ့အမေ
ကျနော့်အစ်မ
သူတို့မောင်နှမ
အမေ့အရင် စောစောစီးစီး
ဟောသည်လောကကြီးထဲက
ထွက်ခွာသွားကြတော့
မိတဆိုး ဖတဆိုး
ဟောသည်ကလေးလေးတွေ
အမေ့အတွက် သူတို့ငိုပါစေ။

အမေ့အတွက်
သူတို့မျက်ရည်တွေဟာ
ထိုက်တန်ပါတယ် အမေ။

ကျနော်ကတော့
နွေဦးရက်တွေအကြောင်း
သီချင်းမဆိုနိုင်တဲ့
ဥသြငှက်တကောင်ရဲ့ ကြေကွဲမှုလို
ယာခင်းထဲက အမေ့ဘဝကို
အဝေးကပဲ
တမ်းတပူဆွေးခဲ့သူပါ အမေ။

“အမေ နေကောင်းပါစေ ...
အမေ့အား ထာဝရလုပ်ကျွေးပြုစုနိုင်သည့်ကိုယ်
ဖြစ်ရပါလို၏” 

ညအိပ်ရာဝင်၊ ရင်ထဲလှုပ်ခတ်
ပဲ့တင်ထပ်ခဲ့တဲ့
ခွန်အားမဲ့ ဆုတောင်းသံများကြား
ရှည်လျားလွန်းတဲ့ ညတွေသာ
ခန္ဓာကိုယ်ပေါ်
တိတ်ဆိတ်စွာ ကြေပြုန်းခဲ့ရ။


မနေ့ကတော့
“အမေဆုံးပြီ။ အမြန်လာ” တဲ့ 
ကုသိုလ်ကြမ္မာ၊ နုံချာလို့လား
ဆုတောင်းများ
မပြည့်ဝခဲ့ဘူး အမေ။

အမေက မွေးပေမယ့်
အမေကို လုပ်မကျွေးနိုင်ခဲ့တဲ့
ဟောသည် ခန္ဓာကိုယ်ကြီးဟာ
ဘာအသုံးကျတော့မှာလဲ။

အဲသည်လို နောင်တတရားတွေက
နှလုံးသားကို ကုတ်ခြစ်
ဘဝဆိုတာကိုလည်း
မကျေမနပ်ဖြစ်မိပေါ့။ 

ကျနော် မငိုရဲတော့ပါဘူး အမေ
ငိုဖို့ရာ ရှက်လှပါတယ် အမေ
အမေနဲ့အတူ
အမေကို ခြေဆုပ်လက်နယ်ပြုခဲ့တဲ့
ဟောသည် ကလေးလေးတွေ
သူတို့ ငိုပါစေ
ကြေးစည်ကို သူတို့ ရိုက်နှက်ကြပေါ့
လှည်းဘီးကို သူတို့ တွန်းကြပေါ့။

ဟော ...
နီညိုညိုကျောက်တုံးတွေကြားက
ရထားတစင်းဟာ
အဝေးကို ထွက်သွားပြီ။

ဟိုး ... လွန်ခဲ့တဲ့ အနှစ်နှစ်ဆယ်
သည်ရွာက လူငယ်
ကျေးတောသားတယောက်
သည်ရွာကို ပြန်ရောက်မလာ
ရထားဟာ သူ့ကို
အဝေးသို့ ခေါ်ဆောင်သွားခဲ့။

သူနဲ့ သူစီးသွားတဲ့ ရထားအကြောင်း
လူတွေ မေ့ကြပေါ့
ပြောဆိုအမှတ်ရသူ
တစုံတယောက်မျှ မရှိတော့။ 

အဲသည်လူငယ်ဟာ
အခု
အမေ့အလောင်း အမေ့ခေါင်းကို
ဖက်ဖက်ပြီး ငိုနေတဲ့
ကျနော်ပဲပါ့ အမေ။

ဟောသည်ယာခင်းတွေကြား
အမေ နေ့တိုင်းလှုပ်ရှားခဲ့တာ
ကျနော်မမြင်နိုင်ခဲ့ဘူး။ 

အမေ့သမီး
ကျနော့်အစ်မရဲ့ ယောက်ျားက
ထန်းရည်သမား၊ ထန်းရည်ချိုး၊
အမေ့သား
ကျနော့်အစ်ကိုကြီးရဲ့ မိန်းမက
မီးယပ်ကျိုး၊ မျက်စိတဘက်ကွယ်၊ 
သူတို့တတွေနဲ့ ကျန်ရစ်ခဲ့တဲ့
အမေ့မြေး ကလေးတွေနဲ့အတူ
ထန်းလျက်ကျို၊ ထင်းခွေရေခပ်
ငတ်မသေဖို့
အမေ ရုန်းကန်ခဲ့တဲ့နေ့တွေမှာ
ကျနော်သာ
ဟိုအဝေးမှာပေါ့။

ဟိုတနှစ်က
တရွာလုံး မီးလောင်ပြာကျ
အဲသည်ကတည်းက အမေဟာ
ရွာထဲကို ပြန်မရောက်
အိမ်ပြန်မဆောက်နိုင်
ထန်းပင်အောက်က ထန်းတဲမှာ
အမေ အနေကြာခဲ့ပါတယ်။

အမေရေ ...
အမေရေ ... ...
ကြေးစည်ကို ရိုက်နှက်ကြပေါ့
လှည်းဘီးကို သူတို့တွန်းကြပေါ့
ဟိုး ... အနောက်တောင်တောတန်းက
ထန်းပင်ရိပ်ဖျားမှာ
နေလုံးဟာ တဖြည်းဖြည်းညိုခဲ့ပေါ့။ 

တောင်သူဓလေ့
ယာမီးငွေ့တွေ လွင့်တက်လာပေါ့။

ဟိုတောင်ကမူကမ်းပါးမှာ
မြက်စားနေတဲ့ နွားမတွေက
အမေ့ကို နှုတ်ဆက်နေကြသလား။

သိန်းစွန်ငှက်အပြန်လမ်းမှာ
ကျီးကန်းတွေ ကသုတ်ကရက်နဲ့
ရွာဘက်ဆီ ပျံပြေးကြပေါ့။

နေညိုချိန် အိမ်အပြန်လမ်းမှာ
တောတန်းလျှိုမြောင်
ဟို အနောက်တောင်ထဲ
မှောင်မည်းမည်းက
ကျနော့်ဘဝကို မဝါးမြိုမီ
ကလေးဘဝအရွယ်
ငယ်ငယ်တုန်းကလေ
တောင်ရိပ်တောင်ကြား
သစ်ပင်ဖျားမှာ
မားမားရပ်နေ တစ္ဆေတွေလား။

အမေရေ ...
တစ္ဆေဆို ကျနော် ကြောက်လှချည့်။ 

တညသား
ပျူစောထီးဆိုလား၊ ရဲဘော်ဖြူဆိုလား
တံခါးကို တအားခေါက်
နွားကောက်စမ်း မြန်မြန်လုပ်
သေနတ်တွေ ထုတ်ချိန်ပြီး
အခိုင်အခံ့ လှည်းတစင်း
နွားပြာညိုတရှဉ်းနဲ့အတူ
လှည်းမောင်းပို့ဆိုပြီး အဖေ့ကို ခေါ်သွား
ရွာအနောက်ဘက်တောအုပ်ကြားက
သေနတ်သံတချက်ကြားလိုက်ရ။

အဖေရေ ...
အဖေရေ ... ...
ကျနော်တို့မိသားစုဘဝ
ရာဇဝင်ကို ဖြတ်သန်းရတဲ့ညပေါ့။

လွတ်လပ်ရေးပြီးခါစ
သူခိုးဓားပြတွေ
တန်ခိုးပြလို့ကောင်းဆဲခေတ်ကြီးထဲ
လူဖြစ်ခဲ့ရတဲ့ ကျနော်
အမေ့ရဲ့ကျောပေါ်မှာ
သေနတ်သံတွေကြား
ပြေးလွှားပုန်းအောင်း
ရွာတောင်စောင်း နဘူးချုံထဲ
ညတိုင်းပဲ အိပ်ခဲ့ရတယ်မဟုတ်လား အမေ။

စစ်စနက်မီး အကြွင်းအကျန်တွေနဲ့
ခေတ်အပျက်ကြီးကို တွန်းလှန်ရင်း
အမေရယ် တခြားအမေတွေရယ်
အမေတွေအားလုံး
ကလေးတွေကို ပုခုံးပေါ်တင်ပြီး
ပြေးကြလွှားကြ၊ ပုန်းကြအောင်းကြနဲ့
တချို့ သားသေ၊ တချို့လင်ဆုံး
စစ်ဆိုတာကြီးကို
မုန်းခဲ့တယ်မဟုတ်လား အမေ။

အဖေ မရှိတဲ့နောက်
အမေရယ်၊ အစ်ကိုကြီးရယ်၊ အစ်မရယ်၊ ကျနော်ရယ်လေ
လောက ကမ်းပါးမှာ
စမ်းတဝါဝါး လျှောက်ခဲ့ကြပေါ့
အရွယ်ရောက်ခါစ အစ်ကိုကြီး
ထန်းလှီးသင်ရပေါ့။

အစ်ကိုကြီးဟာ
သာသနာ့ဘောင်မှာ အရိုးထုတ်
ဘုန်းကြီးလုပ်ဖို့ စိတ်ကူးရှိပေမယ့်
ကျနော်တို့အတွက်
ယုံကြည်ချက်တွေ စွန့်ခဲ့ရပြီပေါ့။

ကျနော်ကတော့
သျှောင်တစောင်းနဲ့ ဘုန်းကြီးကျောင်းသား
ပြီးတော့ ပြည်တော်သာကျောင်းရောက်
ကျောင်းဆင်းချိန်မှာ
သိုး၊ ဆိတ်၊ နွားကျောင်း
ကျနော်တို့တတွေ
ဟိုသပြေပင်တောင်စောင်းဆီက
လက်ပြဟစ်အော်
သီချင်းတကြော်ကြော်နဲ့
ခွေးခေါ်၊ ပတတ်တူး
ဟင်းရွက်ခူး၊ ယုန်ရှာ
တောင်ယာလုပ်သူ၊ ထင်းခုတ်သူတွေ
ထန်းလျက်ကျိုသူ၊ ထန်းတက်သူတွေ
နေက ပူလောင်
ကုန်းခေါင်ခေါင်မှာ
ဟိုးအနောက်တောင်မှာ
မှိုင်းပြာပြာ မြူခိုးတွေနဲ့
ပုပ္ပားဆိုတဲ့ တောင်တော်မြတ်ကြီးဆီ
မျှော်ကြည့်ငေးမော
စိမ်းလန်းတဲ့ ယာတောတွေကြား
အစ်ကိုကြီးက ထန်းလှီး
ကျနော်က ထန်းရည်အိုးသယ်
အမေရယ်၊ အစ်မရယ်က
ထန်းလျက်ကျို၊ ရက်ကန်းခတ်၊ ထင်းခွေ
တခါတလေ မြေပဲကောက်
တခါတလေ ဝါစိုက်
တောအလိုက်လုပ်ငန်းစုံပေါ့။

“မြို့ရွာနိဂုံး၊ ပျက်ပြုန်းစေအောင်
ဓားပြကြီးကြီး မိုက်သီးအခေါင်
မီးနှင့်မြိုက်လို့၊ တိုက်ခိုက်ပူလောင်
ဝ သ လ၊ မှတ်ကြ သူယုတ်ကောင်”

“ခလောက်လေးရယ်တဲ့ ဒိုးဒိုးဒေါင်
ပျိုတို့မောင် ယာမလုပ်တယ်
ဝါးခုတ်တဲ့ တောင်” 

အဲသည်လို အကိုကြီး တတ်တဲ့
ကဗျာတွေ၊ သံပေါက်တွေ
ကျနော့်မှာ အမွေရခဲ့ပေါ့။

“နေညိုချိန်တိမ်တောက် ပျိုကြောက်တဲ့ သည်အချိန်
ဆီးမီးကွယ်မှန်အိမ်နဲ့ ... ” 

အဲသည်လို
ကျေးလက်ဘဝ သီချင်းကဗျာတွေ
ရင်ထဲမှာ အမြစ်တွယ်ခဲ့ရပေါ့။

အမေရေ ...
ကြေးစည်ကို ရိုက်နှက်နေကြပေါ့
လှည်းဘီးကို သူတို့တွန်းကြပေါ့။

အမေခေါင်းချခဲ့တဲ့ တဲကလေးဟာ
အမေ့ရွာနဲ့ အလှမ်းဝေးပေမယ့်
သည်တောသည်တောင်ကြား
အမေ့ကို
တယောက်တည်း မထားရက်ပါဘူး အမေ။ 

အမေ့အမေ ကျနော့်အဘွား
ကျနော့်အဘွားရဲ့ အမေ့အမေ ... စတဲ့
ဆွေမျိုးတော်စပ်သူရော မတော်သူပါ
တရွာလုံးနောက်ဆုံး စုဝေးရာ
ဟောဟို ဇရပ်အိုအိုရဲ့
သုဿာန်ဆိုတဲ့ နေရာရောက်အောင်
အမေ့ကို
ကျနော်တို့ ပို့မှာပေါ့။ 

လမ်းက ကြမ်းလိုက်တာအမေ
တောင်ကမူကျတ်တီးကြား
နှစ်တွေများစွာ ရေတိုက်စားမှုနဲ့
ပျက်လုလု လှည်းလမ်းပေါ်မှာ
အမေ့ခေါင်းဟာ၊ လှုပ်ယမ်းလှချည့်။ 

ဖြည်းဖြည်း ... ဖြည်းဖြည်း ...
ဆူးကိုင်းတွေ ဘေးဖယ်
မျက်နှာကို ခြစ်မိကြဦးမယ်။

ဟိုသုဿာန်ကို ရောက်တဲ့ခါ
ဘုန်းကြီးတွေက
သရဏဂုံကို ရွတ်ဖတ်
ကျနော့်လက်နဲ့ ရေစက်သွန်းချ အမျှဝေ
အမေ ကောင်းရာသုဂတိလားပါစေ ...လို့
ကျနော် အမျှဝေမယ်။

ကျနော့်ကိုယ်ပေါ်မှာ
ဖုန်တွေပေကပ်
ညစ်ပတ်နေမလားပဲ။ 

မန္တလေးက မိတ္ထီလာ
မလှိုင် ပန်းအိုင်တလမ်းလုံး
ဖုန်လုံးကြီးထဲ ဖြတ်ခဲ့ရ
အခုလည်းပဲ ဖုန်လုံးကြီးထဲမှာ
ဖုန်တွေ ပေကပ် ညစ်ပတ်နေမလားပဲ။

ဟိုသုဿာန်ကို ရောက်လို့
ရေစက်သွန်းချ အမျှဝေတဲ့အခါ
ငယ်ဆရာ ဘုန်းတော်ကြီး
ကျနော့်ကို ကြည့်ပြီး
အံ့သြနေလိမ့်မယ်။

ညရောက်တဲ့အခါ
ဦးလေးဘယ်နေ့ ပြန်မှာလဲ
တနှစ်တခါ ပြန်လာပါနော်
ကျနော် ကျောင်းဆက်နေချင်တယ်
ညီမလေးမှာ ဝတ်စရာအင်္ကျီ မရှိတော့ဘူး
ဟောဒီ အငယ်မ မနှစ်က နှစ်တန်းကျတယ် ငါ့မောင်ရယ်
ဟောဒီကျန်နေတဲ့ မျက်စိတဘက်ကလည်း ဆရာဝန်က ခွဲရမယ်တဲ့
အစ်မလည်း ကြောက်တတ်လို့ ဆေးရုံကို နောက်ထပ် မရောက်တော့ပါဘူး
စတဲ့ … စတဲ့ စကားလုံးတွေကြား
ကျနော် ဘာများ တာဝန်ယူနိုင်မလဲ။

မင်းတို့အတွက်၊ ငါ့အတွက်
အနှစ်သုံးဆယ်လုံးလုံး
ဦးလေး စဉ်းစားနေတုန်းပဲ
ဦးလေးဟာ
စဉ်းစားနေတုန်းပါပဲကွယ်။

တစုံတရာ
ကတိတွေ ပေးထားပစ်ခဲ့ပြီး
နံနက်ခင်းတခုမှာ
ငှက်တကောင်လို ပျံပြေးသွားမယ်။ 

ဟိုတခါက
အမေ့ကို ထားပစ်ခဲ့သလိုမျိုး

“ဟောသည်ကမ္ဘာမြေကြီးရဲ့
နာမကျန်းမှုတွေကို ဆေးဝါးကုသဖို့
ကျနော် ကဗျာဆရာလုပ်ရမယ်
ကဗျာဆရာလုပ်မှဖြစ်မယ် အမေ”

အဲသလို ဆိုပြီး
အမေ့ကို ထားပစ်ခဲ့တုန်းက
ယာခင်းနံဘေး
တောလမ်းလေးပေါ်မှာ
မြက်ရိုင်းပင်တွေကို တိုးဖြတ်
တရှပ်ရှပ်နဲ့ ကျနော့်ဖိနပ်သံတွေ
ကျန်ရစ်ခဲ့တယ်။

ယာခင်းတွေ နောက်မှာချန်
တောတန်းတွေ ကျန်ရစ်ခဲ့တယ်။

ကျောက်စရစ်ကုန်းခေါင်
တလင်းပြောင်မှာ
ယုန်ထောင်၊ ပတတ်တူး၊ ချိုးတည်
ငယ်ဘဝတွေ ကျန်ရစ်ခဲ့တယ်။ 

လိမ်လိမ်မာမာနေဖို့
စကားလုံးတို့ တုန်ခါ
အမေ့မျက်နှာပေါ်က
မျက်ရည်စတွေ ကျန်ရစ်ခဲ့တယ်။ 

သူငယ်ချင်းတွေ
လက်ပြနေဆဲ၊ ဥသြဆွဲပေါ့
တရှဲရှဲမြည်လျက် ရထားထွက်ခွာ
တုန်ခါနေတဲ့ ဓာတ်ကြိုးပေါ်မှာ
တောကျီးကန်းတကောင်
အော်မြည်ရင်း ကျန်ရစ်ခဲ့တယ်။

မြို့ပြဘဝရဲ့
ခံစားမှုမြစ် ရသသစ်ထဲမှာ
ပလက်ဖောင်းတလျှောက်
ဓာတ်တိုင် မီးတိုင်တွေအောက်
တယောက်ကို တယောက်
ဖြတ်ကျော်လျှောက်သွားရင်း
သူစိမ်းဆန်တဲ့ လူတွေကြားမှာ
ဟို ... အနောက်တောင်ဆီကို ရော်ရမ်း
တောလမ်းကလေးကို
လွမ်းခဲ့ရပေါ့ အမေ။

နေညိုချိန်အိမ်အပြန်
လမ်းဘေးတိုက်ကြား ဓာတ်တိုင်နားမှာ
မားမားရပ်နေ တစ္ဆေတွေလား
“အမေရေ ... တစ္ဆေကို ကျနော် ကြောက်လှချည့်”
ယောင်ရမ်း ရွတ်ဆိုမိသော်လည်း
ရဲရဲတင်းတင်း
ဖြတ်သန်းရပြီ အမေ။

လူမှုဗေဒ ဝေါဟာရနဲ့
ရသသစ်တွေက
နှလုံးသားကို တအားကုတ်ခြစ်
ပွတ်သပ်ပြီး ဖြေသော်လည်း
ယားယံမြဲပါအမေ။ 

ဆည်းဆာရီထဲ
တိုးရှဲဖြတ်သန်း
ကိုယ့်လမ်းကို သွားခဲ့ရ
စကားငြင်းဆန်
ကားဟွန်းသံတွေကြား
နှလုံးသားတိတ်ဆိတ် မသိစိတ်မှာ
ရောဂါထူပြောခဲ့ပေါ့ အမေ။

အမေ့ထံ ကျနော်ပြန်မလာနိုင်တော့ဘူး
ငါ့မြေးလေးတွေ
အမေ မြင်ချင်လှပြီဆို
ဟော ...
အကြီးလေးက မသုမာတဲ့
ပိန်ပိန်သွယ်သွယ် နဖူးကျယ်ကျယ်နဲ့
သိပ်ချစ်စရာကောင်းတယ် အမေ၊
အငယ်လေးက မငုဝါတဲ့
အစားပုတ်ပုတ်၊ ဝတုတ်တုတ်ကလေး၊
နောက်တယောက်က
သားကြီးမောင်ဖိုးကာ
ဆော့တဲ့နေရာမှာ မျောက်ရှုံးပါပဲ
ငယ်ငယ်လေးကတည်းက
မျောက်ကလေးလိုပဲ
ကြီးလာရင် မျောက်နဲ့တူမလားပဲ။

သူတို့မောင်နှမတတွေ
ဦးလေးတွေ၊ အဒေါ်တွေနဲ့ တွေ့ဖို့
ကျနော်လာချင်ပါရဲ့ ... ဒါပေမယ့် ... အမေ။ 

ဟော ...
ကျနော်တို့အားလုံးအတွက်
အရွယ်မရောက်ခင်
ထန်းလှီးသင်ခဲ့ရတဲ့ အကိုကြီး
ထန်းပင်ပေါ်က ဇောက်ထိုးကျ
အနိစ္စရောက်ခဲ့ရပြီမဟုတ်လား။ 

ကျနော့်အစ်မ
အမေ့သမီး ပိန်တာရိုးလေး
သားသမီးခုနှစ်ယောက်မွေးတော့
ဆင်းရဲမှုဒဏ် မခံနိုင်လို့ထင်ရဲ့
အနိစ္စရောက်ခဲ့ရပြီမဟုတ်လား အမေ။ 

အမေ ... သည်တောသည်တောင်ထဲမှာ
အမေ့သားသမီးတွေနဲ့
အနေဝေး၊ အသေဝေးခဲ့ကြရသော်လည်း
အမေတယောက်တည်းမဟုတ်လား။ 

အမေ့မြေးတအုပ်နဲ့
ထန်းလျက်ကျို၊ ထင်းခွေ၊ ရေခပ်
ကျနော် တပြားတချပ်မှ
မထောက်ပံ့နိုင်ပေမယ့်၊ ငတ်မသေခဲ့ဘူး
အမေ သေရတာ
ငတ်လို့ မဟုတ်ဘူး အမေ။

မနေ့က အမေဆုံးကြောင်း ကြေးနန်းရတော့
ခရီးသွားဖို့ ဇနီးမယားနဲ့ တိုင်ပင်
ပြင်ရဆင်ရ ငွေရှာရနဲ့ပေါ့။ 

ညရောက်တော့လည်း ရင်ထဲမအေး
ပူဆွေးနေဆဲမှာ
ကလေးတွေက တီဗီသွားကြည့်ကြသတဲ့
သြော် ... မင်းတို့ အဖွားသေတဲ့ ရက်
မင်းတို့အတွက်
ဘာမှ မခံစားရပါလားနော်။ 
ငယ်သေးတဲ့ ကလေးလေးတွေပဲဆိုတာက တကဏ္ဍပေါ့။

မြို့ပြမှာနေတဲ့ အမေ့မြေးကလေးတွေ
အမေနဲ့ တအားဝေးခဲ့ပါလားဆိုတဲ့ အတွေးတွေက တကယ့်ကိုပါပဲ
ဘဝဆိုတာကိုလည်း
မကျေမနပ်ဖြစ်ရပြန်ပေါ့ အမေ
ခံစားရပြီပေါ့
ကျနော် ခံစားရပြီပေါ့ အမေ။ 

ကျနော်ဟာ
အဲဘတ်ကမူးမှ မဟုတ်ဘဲ
ကျနော်ဟာ
မာဆိုးမှ မဟုတ်ဘဲ
အခက်အခဲတွေ ရှိပေမယ့်
ကျနော်ဟာ
ဗုဒ္ဓဘာသာ ဗမာယဉ်ကျေးမှုထဲက
လူတယောက်အဖြစ်နဲ့ပဲ
အသက်ရှင်နေဆဲပါ အမေ။ 

အမေရေ ...
အမေရေ ... ...
အမေရေ ... ... ...
ကြေးစည်ကို ရိုက်နှက်ကြပေါ့
လှည်းဘီးကို သူတို့ တွန်းကြပေါ့
အမေ့ခေါင်းဟာ
လှည်းပေါ်မှာ ယိမ်းထိုးလို့
ရှားစောင်းပြာသာဒ်ပင်ပေါ်က
ဒေါ့ရင်းဆိုတဲ့အကောင်တွေ
တကျည်ကျည်မြည်လို့။

အမေ့မြေးကလေးလေးတွေ
အမေ့ရဲ့ ဆွေမျိုးသားချင်းကလေးတွေ
အမေ့ကို ခင်မင်တဲ့သူတွေ
မရဏတေးကို ရွတ်ဆိုငိုကြွေးလို့ 
အမေ့ခေါင်းပေါ်
ညောင်ရွက်တွေကြွေကျ
ဒါဟာ သင်္ခါရတရားပေဘဲလို့
ဆိုချင်သလား မသိပေဘူး အမေ။ 

ကုန်တန်ချိန်အပြည့်နဲ့ ကားတစီး
အဝေးပြေးလမ်းမကြီးပေါ်
ဖြတ်မောင်းသွားနေရဲ့။ 

ထန်းပင်မြင့်မြင့်ကြီးတွေပေါ်က
ရွက်ယောင်းခြောက်တွေ
တရှဲရှဲမြည်လို့ ...။ ။ 

ပိုင်စိုးဝေ

credit:http://drlunswe.blogspot.com/2012/08/blog-post_4.html

Posted by Unknown on
0 comments
categories: | | edit post
Related Posts Plugin for WordPress, Blogger...

۞۞۞အချိန်သည်လူ၏တန်ဖိုး۞۞۞

۞۞۞နွေးထွေးစွာကြိုဆိုပါတယ်۞۞۞


hit counter

۞۞۞ကိုယ်တော်စာပေ۞۞۞

http://www.kotawsarpay.com/

۞۞۞အွန်လိုင်းရွှေဝထ္ထုတိုဆု۞۞۞

۞۞۞ဘလော့ခရီးသည်۞۞۞

http://www.aungsanmks.com/

۞۞۞like လုပ်ပေးခဲ့ပါဦးနော်۞۞۞

Popular Posts

Blog Archive

Member ဝင်ပေးဖို့ဖိတ်ခေါ်ပါတယ်

သီချင်းလေးတွေနားထောင်ကြမယ်

dancer photo dancer_zpsbd8f2ed7.gif
သီချင်းတောင်းချင်ပါက dj@mmyos.com ကိုအပ်၍ တောင်းဆိုနိုင်ပါသည်

လိုအပ်သည်များပြောကြားခဲ့ပါနော်

Total Pageviews

လာရောက်အားပေးကြသူများ

လာရောက်သူတို့ရဲ့စကားသံလေးများ

flag counter

Flag Counter