ကျွန်မ ဒီနေ့ လိုင်းပေါ်မှာ ရန်ဖြစ်ခဲ့ရသည်။ ကျွန်မကိုက စွာလွန်းနေတာလား ဒါမှမဟုတ် ဆတ်ဆတ်ထိမခံ တတ်သော စိတ်ကြောင့်လားတော့ မသဲကွဲတော့။ ကျွန်မ ကိုယ့်လူမျိုးကိုတော့ တော်တော်ချစ်ပါသည်။ စကားလုံးကြီးတွေက ကြီးလိုက်တာ ဟုဆိုလျှင်လည်း ခံရုံပင်။ မတိုးတက်သည်- ဖွံ့ ဖြိုးမှုအားနည်းသည်- လိုအပ်ချက်များရှိသေးသည်ကို ကျွန်မလက်ခံပါသည်။ သို့  သော် မြန်မာမိဘများက သားသမီးအပေါ် ထိန်းကွပ်မှုလွဲမှားနေသည်တဲ့။ ပြီးတော့ သာယာသောလမ်းကိုလိုက်ကာ မိသားစုကို လျစ်လျူရူသည့် မိဘများမြန်မာပြည်မှာ အများကြီးပဲတဲ့။ သူက အဲလို ပြောသည်။
အင်္ဂလန်လူမျိုး၊ ယခုထိုင်းနိုင်ငံတွင် မြန်မာအလုပ်သမားများကို စာသင်ပေးနေသည့် ထိုသူက ပြောခြင်းဖြစ်သည်။ ပါဠိသက္ကတများကို လေ့လာနေသူဆို၍ ကျွန်မလက်ခံစကားပြောခဲ့သော ထိုသူအား ကျွန်မက မြန်မာစာ သာမက မြန်မာလူမျိုး များအကြောင်းကိုထပ်ပြီး လေ့လာလိုက်ပါဦးဟု ပြောခဲ့ပြီး ယဉ်ကျေးမှုခြင်းရော ဓလေ့ထုံးတမ်းတွေပါ ရှင်တို့ နဲ့ လာမနှိုင်းပါနဲ့ လို့  စွာခဲ့မိသည်။
သူကလည်း ကျွန်မကို ပြန်ပြောပါသည်။
" မင်း..မျက်လုံးတွေကို ထပ်ဖွင့်ကြည့်ပါဦး " တဲ့။
ကိုယ့်လူမျိုး မကောင်းကြောင်းကို တိုင်းတစ်ပါးက ပြောတာမျိုး ကျွန်မ မခံချင်ပါ။ ပြောရလောက်အောင်ဖြစ်နေပါစေ သူတို့ ပြောတာမျိုး မလိုချင်ပါ။ ကျွန်မတို့ လူမျိုးအကြောင်း ကျွန်မတို့ သာလျှင် အသိဆုံးဖြစ်ရမည်။ လူတိုင်းတွင် ကိုယ့် အကြောင်းတရားကိုယ်နှင့်ပင် ရှိကြမည်သာ။ ကိုယ့်ထင်မြင်ချက်တစ်ခုသည် လူမျိုးတစ်မျိုးကို ထိခိုက်စေသည်အထိ ဖြစ်ဖို့ မလို အပ်ပါ။ ထို့ ကြောင့် ကျွန်မ စိတ်တိုတိုနှင့် ပြန်ပြောခဲ့ခြင်းဖြစ်သည်။
………………………………………×………………………………..×……………………..
" ရှင် လုပ်ရပ်က ကောင်းသေးရဲ့ လား "
" ဒီမှာ မင်းလိုက်လာတာကိုက ရှက်စရာကွ …ငါ..ဘယ်လောက် မျက်နှာပျက်ရလဲ "
အိမ်ရှေ့ လမ်းမထက်ဆီမှ စကားသံတချို့  ကျွန်မကြားလိုက်ရသည်။
" ဘာ မျက်နှာပျက်စရာ ဟုတ်လား အဲဒီနေရာမျိုးမှာ သွားတဲ့ ရှင့်မှာဘာကောင်းတဲ့မျက်နှာရှိနေလို့ လဲ ဟင်..ပြောစမ်းပါဦး "
ကျွန်မတို့ အိမ်ရဲ့ မျက်စောင်းထိုးအိမ်မှ အန်တီနုရဲ့ အသံမှန်း ကျွန်မကောင်းကောင်း မှတ်မိသွားသည်။ အန်တီနု နှင့် သူမ၏အမျိုးသား ဦး…..
ကန်ထရိုက်လုပ်ငန်းများနှင့် စီးပွားရေးပြေလည်နေသူ မိသားစုကလေးပါ။ ၁၀ တန်းတက်နေသည့် ဖိုးသား ဆိုသည့် သားတစ်ယောက်ရှိသည်။ ချစ်စရာ့ မိသားစုကလေးပေါ့။ အနေအေးသော အန်တီနုသည်လည်း လှပပြီး ချော မောသည့် အမျိုးသမီးတစ်ဦးပင်။
အေးဆေးစွာနေတတ်သော အန်တီနုရဲ့ အသံက လမ်းမထက်မှ ကျွန်မတို့ အိမ်ထိ ပျံ့ လွင့်လာသည်ဆိုတော့…
ခြံထဲမှာလမ်းလျှောက်နေသော ကျွန်မ ခြံတံခါးနားထိ လျှောက်သွားမိသည်။ မိမိခြေထောက်နှစ်ချောင်းကိုပင် အခြေခိုင်အောင် မရပ်နိုင်သော ဦး….နှင့် အန်တီနု။
" နောက်ထပ် ငါ့ကို လာမခေါ်နဲ့  ကြားလား " ဦး….ရဲ့ အသံ။
" တကယ်ဆို ရှင် ကျွန်မကို မဟုတ်တောင် သားရဲ့ မျက်နှာကို ငဲ့သင့်ပါတယ်။ သူသာ ဒီလိုဆိုင်မျိုးတွေကိုသွားတဲ့ အဖေမျိုးဆိုတာသာ သိရင်……….. "
" တော်စမ်းပါကွာ ငါမွေးထားတာ သားကွ….မင်းတို့ အတွက် လိုလေးသေးမရှိ ငါ ရှာဖွေ ကျွေးမွေးထားတယ်… ငါ့ ပျော်ရွင်မှုကိုတော့ ငါ့ရှာပါရစေ…သွား…..သွားကွာ……"
ဦး….က မူးမူးနှင့်ရမ်းလိုက်တာကြောင့် အန်တီနုရဲ့  အားကိုးတကြီး ကိုင်ထားတဲ့ လက်အစုံကော လူပါ လမ်းမထက်မှာ လဲကျသွားပါတယ်။
ကျွန်မ အန်တီနုအဖြစ်ကို ကြည့်ရင်း ရင်ထဲမှာ နင့်နေပါတယ်။ ဘာလုပ်ပေးရမှန်းမသိအောင် ကြက်သေ သေနေမိ သည်။ ဖေဖေတို့  မေမေတို့ မှာ ထိုအဖြစ်မျိုးမရှိ၍ ထိုခံစားချက်မျိုး မသိခဲ့။ မခံစားခဲ့ရပါ။ အန်တီနု ဘယ်လောက်ခံစား လိုက်ရမလဲ။ တသက်စာအတွက် ရည်စူးအားကိုး၍ အိမ်ထောင်ပြုခဲ့သူက…ထိုသို့ ဆက်ဆံသည်ဆိုတော့……………
" ရွှင်လန်းနိုင်ကြပါစေ..ချစ်သောမိတ်ဆွေ…အပေါင်းအသင်းများတို့ ရေ "
ကျွန်မတို့ နဲ့ သိပ်မဝေးတဲ့နေရာဆီက လွင့်လာတဲ့ သီချင်းသံပါ။ ထိုစားသောက်ဆိုင်၏ အဖွင့်သီချင်းလေးပေါ့။ ဘာတဲ့ ရွှင်လန်းနိုင်ကြပါစေတဲ့..။
ကျွန်မ ကျွတ်တစ်ချက်စုပ်ကာ မျက်လုံးများကို မှေးစင်းပြစ်လိုက်သည်။ မျက်စိရှေ့ လမ်းမထက်က မြင်ကွင်းနဲ့ နားထဲက တိုးဝင်လာတဲ့ သီချင်းသံတို့ ၏ဆက်စပ်မှု။ ကျွန်မ ဘယ်သူ့ ကိုအပြစ်တင်ရမည်လဲ။
အိမ်ထောင်ဦးစီးသူများကော မဦးစီးသူများပါ အချိန်တန်၍ နေ၀င်လျှင် ထိုနေရာသို့ ရောက်ကြသည်။ ကိုယ် တစ်နေ့ လုံး ချွေးတလုံးလုံးနှင့်ရှာဖွေထားသမျှသည် တခါတရံ ပန်းကုံးဖိုးဖြစ်သွားကြသည်။ တော်တော်ပင်မိုက်သောငါ …..လို့ မတွေးမိကြလို့ ဆက်မိုက်နေကြခြင်းဖြစ်မည်ဟု ကျွန်မထင်သည်။
မီးရောင်အောက်က မမတို့ အလှသည် မိမိအိမ်ရှင်မတို့ ထက် သာနေသည်လား။
မမတို့ ငှဲ့ ပေးသောအရက်သည် အိမ်ရှင်မတို့ ကမ်းလင့်သော ရေတစ်ခွက်ထက် သာနေသည်လား။
ဆူညံနေသော ထိုဆိုင်ထဲက အသံတို့ သည် မိမိရင်သွေးလေးများ၏ အသံထက် သာနေသည်လား။
ကျွန်မအမေးကို ကျွန်မဘာသာပြန်မဖြေနိုင်သော်ငြား ဦး…..တစ်ယောက်ကတော့ ထိုဆိုင်ဘက်ဆီသို့  တယိမ်းတယိုင် ဖြင့် ဆက်ချီတက်နေလေသည်။ ဦး….ရဲ့ ကျောပြင်ကို မျက်ရည်များကြားမှ လှမ်းကြည့်နေသော အန်တီနု၏မျက်နှာ လေး။ ကျွန်မအရမ်းသနားသွားမိသည်။ အိမ်ထောင်ဆိုသည်မှာ……လွယ်ကူစွာဖြစ်တည်ခဲ့တာမှ မဟုတ်တာ။ အရင်က သူတို့ ထားရှိခဲ့သည့် ချစ်ခြင်းမေတ္တာတွေ ခု ဘယ်ရောက်ကုန်တာလဲ။
ကျွန်မမိဘတွေသာဆို ကျွန်မဘယ်လောက်ခံစားမိမလဲမသိတော့။ ခုလိုမြင်လိုက်ရတာကိုပင် မျက်ရည်ဝဲမိ သည်။ ကျွန်မ ရုတ်တရက် ဖိုးသားကို သတိရလိုက်မိသည်။
ယဉ်ကျေးပြီး အေးဆေးစွာနေတတ်သော ဖိုးသား
အမေ့စကားကို နားထောင်ပြီး စာကိုသာ ဂရုစိုက်တတ်သည့် ဖိုးသားလေး၏စိတ်ထဲကို နာကျင်စရာတွေ မရောက်ရှိစေ ချင်ပါ။ ကျွန်မ ယောင်ယမ်းပြီး အန်တီနုတို့ အိမ်ဘက်ကြည့်မိတော့……………….
အိမ်ရှေ့ မှာထွန်းထားတဲ့ လမ်းမီးရဲ့ အလင်းရောင်ကြောင့်ကော- သူတို့ ခြံဝက အလင်းရောင်ကြောင့်ပါ သူ့ မျက်နှာ ကလေးကို ကျွန်မကောင်းကောင်းမြင်လိုက်ရသည်။ ခြံတံခါးကို ကျစ်ကျစ်ပါအောင် ဆုပ်ထားသော သူ့ လက်များ၊ ပြီးတော့ ပြတ်လုမတတ်ကိုက်ထားသော သူ့ နှုတ်ခမ်းများ…ပြီးတော့ မျက်ရည်လေးများ ရစ်ဝိုင်းနေတဲ့ သနားစရာ မျက်ဝန်းအစုံ….
ထိုမျက်ဝန်းများက ကျွန်မခံစားချက်ထက်သာသော သူဝမ်းနည်းမှုများကို တွေ့ ရသည်။ ကြည့်၍မြင်ရသော မျက်ဝန်း များမှ မျက်ရည်များကျလာခြင်းမှာ တော်ရုံခံစားရမှုကြောင့် မဟုတ်ပေ။ ရင်ထဲမှာ နင့်နင့်နဲနဲခံစားရမှသာ ထွက်ပေါ်လာ သော အရာသာဖြစ်သည်။
ကျွန်မတသက်မမေ့ဖြစ်တော့မဲ့ မျက်ဝန်းအစုံ…..
ကလေးတွေမှာလည်း ခံစားချက်တွေရှိတာပဲလို့  မိဘတွေကို နားလည်စေချင်လိုက်တာ။
" မင်း မျက်လုံးတွေကို ထပ်ဖွင့်ကြည့်ပါဦး "
ရုတ်တရက် သူ စကားလုံးများက နားထဲသို့ ပင် ၀င်လာသည်။
" ဟင့်အင်း…..ဟင့်အင်း ဒါမျိုးတွေ ကျွန်မထပ်မကြည့်ပါရစေနဲ့ တော့.."
ဧပရယ်ဆွေဆွေ