" နီလာ နီလာ နိစ္ဆရန္တိ၊ ပီတာ ပီတာ စ ရံတိယော၊
လောဟိတာ လောဟိတာ စာဘာ၊ သြဒါတော ဒါတရံ သိယော " အသံကြည်ကြည်သာသာဖြင့် ရောင်တော်ဖွင့် ဘုရားပင့်နေသော ကြီးကြီးကို ယပ်ခပ်ပေးရင်း ကျွန်မ ဘုရားဆင်းတုကြီးဆီ အကြည့်ရောက်နေမိသည်။ ကြီးကြီးရွတ်နေတော် ရောင်ခြည်တော်တို့ သည် ဆင်းတုတော်ကြီး၏ မျက်နှာတော်ဆီမှာ ဖြာကျနေသယောင် ဖူးမျှော်မိသည်။
ကျွန်မတို့ လမ်းနှင့် မျက်နှာချင်းဆိုင်မှာ ၀မ်းတော်ပြည့်ကျောင်းတိုက်ကြီးရှိပါသည်။ သီတင်းကျွတ်ခါနီးတိုင်း ထိုကျောင်းတွင် ပဋ္ဌာန်းရွတ်ဖတ်ပွဲကို နေ့ ညမစဲ ၁၅ရက်တိုင်တိုင် ပြုလုပ်လေ့ရှိပါသည်။ ညစဉ် ၇ နာရီထိုးတိုင်း ကြီးကြီးက သွား ရောက်ရွတ်ဆိုပူဇော်လေ့ရှိရာ ကျွန်မက အမြဲနောက်ကလိုက်လေ့ရှိသည်။ ညနေဘက်တွင် စကြာပန်းဟုကျွန်မတို့ ခေါ်သော ပန်းဖြူဖြူကလေးများကို အဆုပ်လိုက်အဆုပ်လိုက်သီကာ ညဘက်တွင် ကြီးကြီးဘုန်းကြီးကျောင်းသွားတိုင်း လိုက်လှူကာ ကြီးကြီးရွတ်ဖတ်နေသံကြားရလျှင် ကျွန်မစိတ်ကြည်နှူးရသည်။
တကယ်တော့ ကျွန်မကြီးကြီးကို နှစ်သက်တာဆိုလို့  ထိုသို့ ဘုရားပင့်၊ ပဋ္ဌာန်းရွတ်ဆိုမှုနှင့် သီလစောင့်တည်တတ်သည့်  အလေ့များသာဖြစ်ပြီး ကျွန်မ မကြိုက်သည်က အတိုးပေးစားခြင်းဖြစ်ပါသည်။ နှစ်ဦးနှစ်ဖက် နားလည်မှုအပြည့်ဖြင့် ချေးငှားကြ သည်ဆိုသည့်တိုင် အတိုးသည် ချေးငွေ၏ ၅ ပုံ ၁ပုံ ဖြစ်နေသည်ကတော့ တော်တော်ကို များသည်ဟု ကျွန်မထင်သည်။ မရှိလို့ ချေးပါသည်ဆိုမှ နင့်အောင်ပေးရသည့်အတိုးက ၁၀၀ ယူလိုက်ကတည်းက ၈၀ သာမြင်ရသည်။ တရားစာတွေရွတ်၊ သီလတွေ ဥပုသ်တွေနေ့ တိုင်းစောင့်တတ်သည့် ကြီးကြီးသည် အတိုးပေးသည့်အချိန်တွင်တော့ မျက်နှာက အရုပ်ဆိုးလှသည်              တခါတလေ ရောက်လာနေကျအတိုး မရောက်လျှင်ဖြင့် ကျွန်မနှစ်သက်သော ဘုရားပင့်ကို ရွတ်ဆိုတတ်သည့် ကြီးကြီးနှုတ်ခမ်း များသည် ကြမ်းတမ်းသောစကားသံများထွက်ကာ မဲ့လိုက် ရွဲ့ လိုက်ဖြင့် သဏ္ဍာန်မျိုးစုံပြောင်းလဲနေတတ်သည်။
အသက် ၇၀ နီးပါးရှိလာသော ကြီးကြီးသည် မျက်ခမ်းအထက်တွင် အသီးလေးထွက်လာ၍ မန္တလေးသို့  သွားခွဲခဲ့သည်။ ပြန်ရောက်လာသောအခါတွင်မူ အရင်လို ကျွန်မအား ဓမ္မပုံပြင်များ မပြောပြတော့။ ငူငူ ငိုင်ငိုင်နှင့်သာရှိတော့သည်။ ဆေးစစ်ချက် အရ ကြီးကြီးခန္ဓာတွင် ဘာရောဂါမှ မရှိဟုဆိုပါသည်။ ဒါဆို ကြီးကြီး ဘာဖြစ်နေတာလဲ။
ကျွန်မ စာထိုင်ဖတ်တတ်သော ညောင်ပင်အောက်သို့  ကြီးကြီး ရောက်လာသည်။ လက်ထဲမှာလည်း ဇာဂနာအသေးစား လေးနှင့်။ " သမီး ကြီးကြီးကို မျက်ခမ်းပေါ်မှာပေါက်နေတဲ့ မျက်တောင်လေးတွေ နှုတ်ပေးစမ်း၊ နေရဆိုးလွန်းလို့  "
ကျွန်မလည်း ဖတ်လက်စ စာအုပ်ကို လက်မှချကာ ကြီးကြီးခိုင်းတဲ့အတိုင်း လုပ်ပေးလိုက်သည်။ အရင်ခွဲထားသောနေရာ လေးမှာပဲ ထပ်ပြီးထွက်လာသော ဖုသေးသေးလေးပါ။ ထိုဖုလေးပေါ်တွင် မျက်တောင်လေးများပေါက်ပါက အနေရ အကြည့်ရ ဆိုးသည်ဟု ကြီးကြီးက ဆိုပါသည်။ မျက်တောင်မွှေးနှုတ်ပေးနေသည့်ကြားမှ ကြီးကြီးမျက်လုံးတို့ ကုတ်ကျလာသည်မို့  နီးလာ သောခြေသံကိုကြည့်မိတော့ အကြော်ရောင်းသော ဒေါ်ဒေါ်မြ။ မျက်နှာငယ်လေးနှင့် ကြီးကြီးရှေ့ တွင် လာရပ်ကာ အတိုးကိစ္စ အတွက် တောင်းပန်တိုးလျိုးနေသည်။
အတိုးစားချင်လို့  အတိုးပေးတာဆိုပေမယ့် နားလည်သင့်တာတွေတော့ရှိသည်ဟု ကျွန်မထင်သည်။ ယူထားတဲ့ငွေထက် အတိုးက များလွန်းလာသည်။ ကြီးကြီးဒါတွေကို ဘာကြောင့်စားရက်ပါသလဲ။ အာဟာရကော ဖြစ်ပါရဲ့ လား။ ကျွန်မ သက်ပြင်းပဲ ချကာ စာဖတ်လက်စပဲ ကောက်ဖတ်နေလိုက်မိသည်။
အရွယ်လွန်နေသော်လည်း အသိဥာဏ်ရင့်ကျက်ဖို့ လိုနေသေးသည့် ကြီးကြီးကို ဘယ်လိုတရားတွေကမှ ပြုပြင်ပေးနိုင် မှာပါလိမ့်။ ငွေနှင့်ပက်သက်လျှင် " ငါ့ကို လာမစမ်းနဲ့ နော် " လို့ ပြောတတ်သော ကြီးကြီးသည် ဒုတိယအကြိမ် သွားခွဲခဲ့ရပြန်ပါ သည်။
လူ့ ဘ၀တစ်လျှောက်လုံး လူသားတို့ သည် ပရိယေသနအရေးတို့ တွင် ရှာဖွေခြင်းဖြင့်သာ ဘ၀ကိုကုန်ဆုံးတတ်ရာ သေသောအခါ အပယ်သာလားတော့သည်။ ဗုဒ္ဓဘာသာဝင်တို့ သည် ဘုရားရှင်၏ သားသမီးများ ပီပီ ယခုဘ၀တွင် ရှာဖွေစု ဆောင်းထားသမျှထဲမှ ပေးကမ်းစွန့် ကြဲခြင်းဖြင့် နောင်ဘ၀များစွာအတွက် ဘ၀၀ သမ္ပတ္တိရအောင် လှူဒါန်းသင့်ပေသည်။
ဒုတိယအကြိမ် ခွဲပြီးပြန်လာတော့ ကြီးကြီးက ကျွန်မကို ရှေ့ မတိုးနောက်မဆုတ်သော အဖြစ်ကို ရင်ဖွင့်သည်။ ကျွန်မ မကြားဖူးသော ရောဂါဆန်း။ မျက်လုံးကင်ဆာတဲ့။ ကျွန်မ အံ့သြသွားမိသည်။ ကြီးကြီးကို တခါတည်း မျက်လုံးကို ထုတ်ပစ်ဖို့  ဆရာဝန်များက ဆိုသည်။ ထိုသို့ မဟုတ်လျှင် ခုလိုခွဲစိတ်ခြင်းမျိုးက အရေတွက် စိတ်လာမည်ဖြစ်ပြီး အသက်အရွယ်ရလာသော ကြီးကြီးအနေဖြင့် နောင် အခက်အခဲရှိလာနိုင်သည်တဲ့။
မျက်လုံးထုတ်ပစ်ဖို့ ငြင်းဆန်ခဲ့သော ကြီးကြီးသည် နောက်လေးငါးလကြာသောအခါ မျက်ခွံထက်တွင် ဆီးသီးအရွယ် အဖုကြီးဖြစ်လာသည်။ထိုအဖုကြီးပေါ်တွင် ပေါက်တတ်သော မျက်တောင်လေးများကို ကျွန်မက သေသေချာချာနှုတ်ပေးရသည်။
ဆေးအသစ်အဆန်းများဖြင့် ကုရင်း မျှော်လင့်ချက်ကုန်ဆုံးနေသော ကြီးကြီးသည် အသက်ရှင်နေသော်လည်း နှလုံးပူ လောင်ခြင်းရှိဟန်တူသည်။ သားသမီးများက လိုလေးသေးမရှိပြုစုပေးသော်လည်း ပျော်ရွှင်ကျေနပ်ဟန်မပြ။ သူ့ မှဒီရောဂါဖြစ်ရ သလားဟု တွေးထင်နေသည်။ စင်စစ် တဏှာဒိဋ္ဌိတို့ ကြောင့်သာ မိမိတို့ ရုပ်ခန္ဓာတို့ ကို စွဲလမ်းနှစ်သက်နေကြခြင်းသာဖြစ်သည်။ ခန္ဓာရထားတဲ့ သတ္တ၀ါတိုင်းသည် ရထားသော ထိုခန္ဓာ၏ ဒုက္ခကိုတော့ ခံရမြဲသာဖြစ်သည်။
ပိုက်ဆံတွေ ဘယ်လောက်ပေးပေး ကုမရတဲ့ရောဂါတွေ ရှိနေတတ်မြဲမို့ ကြီးကြီး၏ ရောဂါသည် ပို၍ရင့်လာသလို ပို၍လည်းဆိုးလာပါသည်။ မျက်ခွံပေါ်က အဖုကြီးသည် ကြီးမားလွန်းလာကာ မျက်လုံးကိုကျော်၍ ဖုံးသွားသည်။ ထို့ အတွက် ကြီးကြီး၏ ဘယ်ဘက်မျက်စိတစ်ခုလုံးသည် ထိုအသားလုံးအောက်တွင် ရောက်သွားကာ ပျောက်ကွယ်သွားတော့သည်။
မျက်မှန်တပ်၍မရတော့သော ကြီးကြီးသည် ယခုနှစ်တွင် ပဋ္ဌာန်းလည်း မရွတ်နိုင်တော့။ တရားစာအုပ်တစ်ချို့ ကိုပင် ကျွန်မက ဖတ်ပြရသည်။
မိစ္ဆာအာဇီဝံ     နည်းလမ်းလွဲမှားမတရားသော အသက်မွေးမူကို
ပဟာယ        ပယ်စွန့် ၍
သမ္မာအာဇီဝေန    နည်းလမ်းမှန်သော အသက်မွေးမှုဖြင့်
ဇီဝိတံ        အသက်မွေးမှုကို ပြုအပ်၏။………….. ကျွန်မ မဟာသတိပဋ္ဌာန်သုတ်လာ စာကြောင်းတွေကိုဖတ်ပြရင်း ကြီးကြီးကို ကြည့်မိသည်။ ကြီးကြီးကလည်း ကျန်သောမျက်ဝန်းတစ်ဘက်ဖြင့်  ကျွန်မအကြည့်တွေကို သဘောပေါက်ဟန်တူပါ သည်။
မရှိလို့ ဆင်းရဲတာထက် မသိလို့ ဆင်းရဲမှာက ပို၍ကြောက်စရာကောင်းလှသည် မဟုတ်ပါလား။ ကြီးကြီး အဆိုးဆုံးအခြေ အနေသို့ ရောက်လာသောအခါ ဘုန်းကြီးများရောက်လာပြီး တရားစာများ ညစဉ်လာရွတ်ပေးကြပါသည်။ တစ်လမျှကြာသော အခါ ပိုးများပင်ဝင်လာသော မျက်လုံးကင်ဆာဖြင့် ကြီးကြီးသည် သေဆုံးသွားခဲ့ပါသည်။
သံသရာကို ဆင်းလိုက်တက်လိုက်ဖြင့် စုန်ဆန်ကူးနေကြသော သတ္တ၀ါတို့ သည် ရခဲသောလူ့ ဘ၀ရခိုက်တွင် လူ့ ဘ၀ အနှစ်သာရကို လူ့ အသိဥာဏ်(သစ္စာဥာဏ်)ဖြင့် သိမြင်ကာ ပုထုဇဉ်မှ တက်လှမ်းဖို့ ကြိုးစားသင့်ပါသည်။
ဆုတောင်းရုံနှင့်မရသလို လှူတန်းရုံဖြင့်လည်း မရနိုင်သည့် နိဗ္ဗာန်ဆိုသည့်နန်းကို ၀ိပဿနာအသိဖြင့်လည်း ကျင့်ကြံဖို့  လည်း လိုအပ်လှပါသည်။
ဘုန်းကြီးကျောင်းဆီမှ ပဋ္ဌာန်းရွတ်သံများကို ကြားနေရသည်။ ကျွန်မ ကြီးကြီး၏ အသံကို လွမ်းဆွတ်နေမိပါသည်။

                                        ဧပရယ်ဆွေဆွေ
                                             (28-12-2012 12း22 PM)