မဟုတ်ဘူး
ခင်ဗျားလူမှားတာ
တစ်ကယ်တော့ သူကသေသွားပြီ
သြော်
တစ်ကယ်ပါဆို
ခင်ဗျားနှယ့်
မြေခွေးတွေနဲ့ ပေါင်းပြီး
လိမ္မော်ခြံထဲ စပျစ်ပင်တွေ
ဖောက်ခဲ့တဲ့တစ်ယောက်ကို ပြောတာမဟုတ်လား
ဟုတ်တယ်
တစ်ကယ်ပဲ သူသေသွားပြီ
ဟုတ်တယ် သူကစကားနည်းတယ်
အမြဲတစေပြောတတ်တဲ့ စကားကလည်း
သူစကားနည်းတယ် ဆိုတာပဲ
အင်္ကျီရှည်ပဲ အမြဲဝတ်လေ့ရှိပြီး
အင်္ကျီလက်ကိုလည်း အမြဲခေါက်တင်ထားတယ်
တစ်နေရာကိုကြည့်ရင် တစ်သက်လုံးနီးပါးကြာတယ်
“ရှုခင်းတွေက အလကားရတယ်
ခံစားမှုအာရုံက အလကားမရဘူးလို့”
သူအလွတ်မကျက်ဘဲ အလွတ်ရနေတတ်တဲ့
ကဗျာထဲက စာသားတွေနဲ့
မေးငေါ့သူတိုင်းကို ပြန်ချေပတတ်တယ်
ဟုတ်တယ်
သူ ကဗျာတွေလည်းရေးတယ်
သူတစိုက်တမတ်လုပ်တာဆိုလို့လည်း
ကဗျာရေးတာနဲ့ အညစ်အကြေးစွန့်တာပဲရှိတယ်
ဒါပေမယ့် သူက သူ့ကိုယ်သူ
ကဗျာဆရာမဟုတ်ဘူး
ကဗျာသူငယ်ချင်းတဲ့
ဟုတ်တယ်
ဂွတီးဂွကျနိုင်ပါကောလား
အသိုင်းအဝိုင်းတွေကို မုန်းတယ်
ပါတီပွဲတွေကို မုန်းတယ်
အခေါ်အဝေါ်တွေကို မုန်းတယ်
ဖောက်ပြီးသားလမ်းတွေကို မုန်းတယ်
မှတ်ပုံတင်တွေကို မုန်းတယ်
ခင်ဗျား တစ်ခုခုပြောလိုက်
အဲဒါလည်း သူမုန်းနေမှာပဲ
ဒါပေမယ့် သူဟာ ဝါဒီသမားမဟုတ်ဘူး
သူ့မျက်လုံးတွေကိုကြည့် သိလိမ့်မယ်
သူဟာ ဟစ်တလာကို ထောက်ခံပေမယ့်
ပုရွက်ဆိတ်တန်းလေးတွေ့ရင်တောင်မှ ခွကျော်တတ်သူ
သူဟာ မာသာ ထရီဇာကို အားမကျပေမဲ့
တာဝန်နဲ့ဝတ္တရားကို
ပေါ့ပေါ့ပါးပါး ခါးကြားထိုးထားသူ
သူ့မျက်လုံးတွေကိုကြည့် သိလိမ့်မယ်
ကြည့်လို့သာပြောရတယ်
သူက မျက်နှာချင်းဆိုင်မိတာနဲ့
အရာရာကို ကျောပေးလိုက်တတ်သူ
အဲဒီ့တော့
သူကိုယ်တိုင် ငြီးငွေ့ခဲ့တဲ့ သူ့နှလုံးသားကို
ဘယ်သူမှမမြင်နိုင်ဘူးပေါ့
ဟုတ်တယ်
နောက်ဆုံးအချိန်ထိ သူဟာ
မြေခွေးတွေနဲ့ အတူရှိနေခဲ့တယ်
သူက ပြောတယ်
တယုတယ မှုတ်သွင်းထားတဲ့
ဆေးပူဖောင်းလေးထက်
ပေါက်ကွဲဖို့ အဆင်သင့်ရှိနေတဲ့
ဆပ်ပြာပူဖောင်းလေးပဲ ဖြစ်ချင်တယ်တဲ့
မြေခွေးတွေက ဝမ်းလျားထိုးပြီး ရယ်ကြတယ်လေ
သူက ပြောတယ်
ကမ္ဘာမှာ လောင်ကျွမ်းရအလွယ်ဆုံးဟာ မျက်ရည်ပဲတဲ့
ဒါကြောင့် ကိုယ့်ကျောကို ကိုယ်ပွတ်သပ်ခဲ့ရတယ်တဲ့
မြေခွေးတွေက ဝမ်းလျားထိုးပြီး ရယ်ကြတယ်လေ
သူက ပြောတယ်
စပျစ်ခိုင်တစ်ခိုင် စပျစ်ဝိုင်တစ်ခွက်နဲ့
ဝေလငါးဖမ်းချင်လို့ မဖြစ်နိုင်ဘူးတဲ့လေ
မြေခွေးတွေ လူးရင်းလှိမ့်ရင်း အိပ်ပျော်သွားကြတယ်
အဲ့ဒီ့နောက်
သူစာရေးမယ်လည်း ပြောတယ်
ဝိုင်ဆက်ချက်မယ်လည်း ပြောတယ်
ဆေးလိပ်ဖြတ်မယ်လည်း ပြောတယ်
အိမ်လာလည်ဦးမယ်လည်း ပြောတယ်
အဲ့ဒါ ပြောတာလေ
ဘယ်သူမှ မထင်ဘူး
မြေခွေးတွေက
စပျစ်သီးတွေကို ငါတို့ပေးချိုလိုက်တဲ့ တစ်နေ့အထိ
မင်းရှိနေခဲ့သင့်တယ်တဲ့
မြေခွေးတွေက
မင်းအံသွားတွေ မင်းပြန်ကြိတ်ဝါးခဲ့ချိန်
မင်းလက်သီးတွေ မင်းပြန်ရုတ်ထားခဲ့ချိန်
မင်းခြေထောက်တွေ မင်းပြန်ထိန်းထားခဲ့ချိန်
အဲ့ဒီ့ မင်းနောက်ကျောကို မင်းပြန်ပွတ်သပ်ခဲ့ရတဲ့
မင်းမဟုတ်တဲ့ မင်းရဲ့အချိန်တွေမှာလည်း
ငါတို့ရှိနေခဲ့သင့်တယ်တဲ့
အဲဒါ ပြောတာလေ
ဘယ်သူမှ မထင်ဘူး
မထင်ဆို လျှော်လက်စ ဂျင်းဘောင်းဘီက သူ့အိမ်နောက်မှာ
လှဲလက်စ ဗံဒါရွက်တွေက သူ့အိမ်ဘေးမှာ
လွှတ်လက်စ ခိုလေးတွေက သူ့အိမ်ရှေ့မှာ
အဲ့ဒီ့လက်စတွေထဲက
လွင့်လက်စ သူ့စိတ်တွေကတော့
သူရှိနေပေမဲ့ သူမရှိတဲ့အတိုင်းပဲလို့
သူရှိရင် ပြောမလားပဲ
အင်း …
သူရှိရင်
ကျားတစ်ပွဲလောက် ကစားဖြစ်မယ်ထင်တယ်
လက်မောင်းချင်းလည်း လှဲဖြစ်မလားပဲ
ဘိလိယက်ခုံသွားဖို့
ရေသွားကူးဖို့
ဘုံဆိုင်လိုက်ထိုင်ဖို့
ဗျူရိုကရက်တွေအကြောင်းပွားဖို့
သူရှိနေသေးရင် ….
အင်းလေ ….
သူပြောခဲ့ဖူးသလို
နှုတ်ဆက်ခြင်းဆိုတာ
ကျောလား ရင်လားခွဲခြားပြီးပြောရလောက်အောင်
မပြတ်သားဘူးလို့ဆိုရမလားပဲ
ဒါ သူနောက်ဆုံး ဖြည်ပြခဲ့တဲ့ ခွန်အားလား
ဒါ သူအမြင့်ဆုံး လွှင့်တင်ခဲ့တဲ့ ရယ်သံလား
ဒါ သူအနီးဆုံး ငုံ့ကြည့်ခဲ့တဲ့ အစွန်းလား
ဒါ တွန်းဝင်နေကျ ငတ်မွတ်မှုကို
ဟက်ဟက်ပက်ပက် အောက်မေ့ခဲ့ခြင်းလား
ဒါတွေအားလုံး သူပဲသိမယ် ….
သူမပို့ဖြစ်တော့တဲ့
ဆုတောင်းတွေ အတွက်
သူမမျှားဖြစ်တော့တဲ့
တိုက်ဆိုင်မှုတွေ အတွက်
သူမစိုက်ဖြစ်တော့တဲ့
သက်ပြင်းတွေ အတွက်
ယောင်လို့တောင်
သင်္ကာမကင်းမဖြစ်နဲ့
ခင်ဗျား
လူမှားတာ
သူတစ်ကယ်သေသွားပြီ ။ ။
သက်ထွေး
၇ ဒီဇင်ဘာ ၂၀၁၂ ည ၁၁း၂၂
ကိုးကား။ ။ “ရှုခင်းတွေက အလကားရတယ် ခံစားမှုအာရုံက အလကားမရဘူး” ပိုင်စိုးဝေ (လှိုင်းထန်တဲ့ယဉ်ကျေးမှု)

 http://thettwe.me/my-writings/454