မစ္စတာအာရာဖတ် ခင်ဗျားနဲ့ ကျွန်တော့်ကြားမှာ အရက်တစ်ခွက်ချထားရအောင်


ခင်ဗျားနာမည်နဲ့ အနက်ကို ဖယ်ပြီး နှုတ်ဆက်လိုက်ပါတယ် အာရာဖတ်
အာရာဖတ်ဘူတာရုံလေးထဲက အာရာဖတ်တွေဟာ
နာရီပေါ်က ပုရွက်ဆိတ်တွေ
အာရာဖတ်ကို အစဖျောက်ဖို့ ဘူတာရုံလေးထဲမှာ တစ်ယောက်ကို တစ်ယောက် အနံခံနေကြ
ခင်ဗျားဟာ အာရာဖတ်အကြောင်းပါတဲ့ သတင်းစာအဟောင်းကြီးကို ထိုင်ဖတ်လို့ပေါ့
မစ္စတာအာရာဖတ် ထောင့်ကျကျမှာ ရပ်နေတဲ့ ခင်ဗျားဟာ
အုတ်ပုံကြားထဲက အာရာဖတ်ညစာ အပျက်အစီးတွေအကြောင်း စဉ်းစား
ဒီမှာ အာရာဖတ် ဟောဒီပုလင်းရဲ့တံဆိပ်ဟာ ယစ်ဇတ်ရာဘင်ပဲ၊ သွေးရည်ကြည်တွေပဲ
ခင်ဗျာ့နာမည်နဲ့ အနက်ကို ဖယ်ပြီး ဆုတောင်းလိုက်ရအောင် အာရာဖတ်
အာရာဖတ်ဟာ အာရာဖတ်နေ့တွေအတွက် တစ်ခွက်သောက်သင့်တယ်
ပါလက်စတိုင်းကလေးတွေက အာရာဖတ်စာလုံးကို အဘိဓာတ်ထဲမှာ ရှာကြရ
ပြောင်းပူနေတဲ့ ရိုင်ဖယ်ရဲ့ ထွင်းစာလုံးဟာ အာရာဖတ်
အာရာဖတ်ဟာ ဒီပန်းရိုင်းရဲ့ နာမည်
အာရာဖတ်လေးတွေဟာ ကာရာမဇော့ထဲက မြက်ဖုတ်ကြီးရဲ့သားတွေ၊ အကိုက်အခဲတွေ
သူတို့မှာရှိတာက ချောက်ချားနေတဲ့ အာရာဖတ်ရဲ့ လက်သည်းတွေ သွားတွေ ခဲတွေ
အာရာဖတ်ပုံပါတဲ့ ဖဲချပ်တွေထဲမှာ ခင်ဗျားဟာ သေဆုံးပြီးသား အင်္ကျီထူထူကြီး
နှင်းတွေ သိပ်ကျနေပါတယ် အာရာဖတ်
ရထားက အခုထိဖမ်းရခက်နေတဲ့ ၀ိညဉ်
ဒီတစ်ခွက်ဟာ အာရာဖတ်နေ့ရက်တွေအတွက်ပါလေ
အာရာဖတ်ရဲ့ ဖိနပ်ခွာသံတွေ ခင်ဗျားကို အနံ့ခံရင်း လာနေပြီ
နှင်းမကွဲသေးဘူး အာရာဖတ်၊ ပါလက်စတိုင်း လိမ္မော်သီးတွေက
လူသေ အရေပြားအတိုင်းပဲ တင်းရင်း အေးစက်
အာရာဖတ်ပုရွက်ဆိတ်တွေ ဘူတာရုံနာရီကြီးကို ကိုက်ဖဲ့နေတုန်း
ဒီခွက်နဲ့  ဒီစားပွဲကို ရိုက်မချလိုက်ပါနဲ့ အာရာဖတ်၊
ရထားနဲ့ ဘူတာဟာ သွေးကြောပြတ်နေတယ်
အာရာဖတ်နာမည်နဲ့ အနက်ကိုဖယ်ပြီး ဒီတစ်ခွက်ကို အရသာရှိရှိငုံ့ကြည့်
ဘယ်ထောင့်ကလာတဲ့ ကျည်ဆန်ပဲဖြစ်ဖြစ် အာရာဖတ်၊
သေပြီးရင်တော့ ဘာကမှ သတ်လို့မရတော့ဘူး။
ဇော်လူစိမ်း