တစ်ခါတစ်ခါ...

ငါ့ကိုယ်ငါ မမှတ်မိဘူး

လူထူးလူဆန်းလိုမင်သက်

စိတ်ပျက်လက်ပျက်ကြည့်နေလိုက်ရတာ...

ပျော့ညံ့လိုက်တာကွာ

(အားမတန် မာန်ချ... တဲ့)

တစ်ခါတလေကျ

ငါ့ဟာငါတောင်အံ့သြ

နှမြောတသ ဖြစ်နေမိသေးတယ်...

နေရာလွဲမှားသွားလို့

ဒဏ်ရာဒဏ်ချက်ကြီးကြီးမားမားနဲ့

ငါ့ရဲ့မာနအတွက်လေ...

သေပစ်လိုက်စမ်းပါလား

(တလွဲဆံပင်ကောင်းခဲ့တာ မဟုတ်ပါဘူး... )

တစ်ခါတစ်ရံ

ပြန်ပြန်မေးယူရတယ်

ငါဟာငါဟုတ်သေးရဲ့လား

ပထမတန်းစားသတ္တိတွေနဲ့

သူရဲကောင်းတံဆိပ်တွေ အခါခါရ...

မိုးမလင်းချင်ကြတော့ဘူး...

(အိပ်မက်တွေကချိုတယ်... )

အဲဒါနဲ့...

ကာလတွေသာကြာရော...

ဝိရောဓိ တွေနဲ့ ရောယိမ်းလိုက်ရ

မှန်တစ်ချပ်လည်းကွဲကျ... ။

(ကျကွဲခြင်းမဟုတ်ပါ...)

မနော်ဟရီ

တန်ရာတန်ကြေး

နတ်ထွင်းတဲ့ခံတွင်းဆိုပေမယ့်

ဘယ်သူကမှထမင်းခဲကိုက်ပြီးမွေးလာတာမဟုတ်ဘူး

အဲဒါကြောင့်ငါ့ရဲ့စုံနံသာမြိုင်ပတ်ပျိုးမှာ

စောင်းကြိုးတစ်ချက်လျှော့ခဲ့တယ်။

အနုပညာဆိုတာ

မှော်ဆရာတိုင်းကလို့ရတဲ့ ဓားပညာမဟုတ်ဘူး

နေညိုချိန်တိမ်ပွင့်အမျောလေးပါဆိုတော့လည်း

ပြောသူကိုမယုံကြည်ချင်ကြဘူး။

ကြည့်ပါ...

ဒီမြှားကိုငါပစ်ပြပါ့မယ်။

ပစ်မှတ်ကိုလွယ်လွယ်နဲ့မှန်ရင်တော့

အဲသည့်သူယောင်နတ်သမီးကို

တို့တွေတန်ရာတန်ကြေးပေးလိုက်ကြတာပေါ့။

တာရာမင်းဝေ

 မိသားစုဆိုတာ

တစ်ယောက်ရှေ့ရောက်ဖို့

တစ်ယောက် နောက်ဆုတ်ရတယ်

သစ်ကိုင်းတစ်ကိုင်းတိုးထွက်ဖို့

သစ်ကိုင်းတစ်ကိုင်း အခုတ်ခံရတယ်

မိသားစု သီချင်းဟာ အတက်အဆင်းရှိတယ်

သံစုံမြည်တယ်။

မိသားစုဆိုတာ

လူခြောက်ယောက်ရှိ လူခြောက်ယောက်

လက်၁၀ချောင်းရှိ လက်ဆယ်ချောင်း

ခေတ်က တောင်းဆိုတဲ့အတိုင်း လှုပ်ရှားရတယ်

အိမ်ရှိလူအကုန်။

လဲကျသွားတဲ့ ငါ့အဖေနေရာကို

ငါ့ညီလေးဝင်ခဲ့တယ်

ယိုင်နဲ့သွားတဲ့ ငါ့အမေရဲ့ နေရာကို

ငါ့ညီမလေး ၀င်ခဲ့တယ်

မိသားစုကို ငါမမြင်ခဲ့ဘူး။

ငါ့အတွေးအခေါ်က သားသမီးဆိုတာ

သီးခြားရှင်သန်ရတဲ့ ဘ၀တစ်ခု

ငါက လမ်းပေါ်မှာကြီးပြင်းခဲ့လို့

လမ်းနဲ့ သွေးသားတော်စပ်တယ်လို့ ထင်တယ်။

ငါ့မိသားစုမှာ ငါဟာ မလင်းတဲ့မီး

ငါ့မိသားစာမှာ ငါဟာ မလုံခြုံတဲ့ထရံ

ငါ့ကြိုးကို တီးခတ်လိုက်တိုင်း အသံကြောင်ထွက်တယ်

ငါ့မိသားစုမှာ

မိုးယိုပေါက်လေး တစ်ပေါက်ရှိနေတယ် ဆိုရင်လည်း

ငါပဲဖြစ်မှာ

ငါ့မိသားစုမှာ

ကြမ်းခင်းတစ်ပေါက် ကျိုးပဲ့နေတယ်ဆိုလည်း

ငါပဲဖြစ်မှာ

မအောင်မြင်တဲ့ ဘောလုံးအသင်းဟာ ငါ့မိသားစုပဲ

မ၀င်တဲ့ဂိုးတွေကို ငါသွင်းခဲ့တာ။

စိုင်းဝင်းမြင့်

နားနားပြီးပြော ကဗျာစာအုပ်မှ

သားချော့တေး

သားရေ
ငိုသံတွေကို လမ်းခင်းပြီးမှ
မင်းရဲ့နန်းတော်ကြီးဆီ ရောက်မယ်ဆိုရင်
အဲဒီလမ်းကို မလျှောက်လေနဲ့။

မိုးလောက်ကြီးပဲ မြင့်ပါစေ
လူတွေရဲ့ ပခုံးကို တက်နင်းပြီးမှ
မင်းဘ၀ အထက်တန်းကျမယ်ဆိုရင်
အဲဒီအမြင့်ကိုလည်း မလှမ်းလေနဲ့။

မင်းရဲ့ ယုံကြည်ချက်ကြောင့်
ဘ၀တွေပျက်
အိုးအိမ်တွေပျက်
မိသားစုတွေရဲ့ ပျော်စရာအနာဂတ်တွေလည်း
ကြေကွဲ ပျက်စီးရမယ်ဆိုရင်
အဲဒီယုံကြည်ချက်ကိုလည်း မင်းအကောင်အထည် မဖော်လေနဲ့။

မသိနားမလည်သူ
လူတွေကို လှည့်စားပြီးမှ
ဇိမ်ခံခွင့်ရမယ်ဆိုရင်
အဲဒီစည်းစိမ်ကိုလည်း မင်း မမက်မောလေနဲ့။

ဒီလောကကြီးမှာ
သစ်သီးကလေးတစ်လုံး သီးဖို့
အချိန်တွေ အများကြီးယူရတယ်
ပန်းကလေးတစ်ပွင့် ပွင့်ဖို့
အဆင့်ဆင့် တည်ဆောက်ခဲ့ရတယ်
မြေနီလမ်း နံဘေးက
တောပန်းကလေးတွေကအစ ကြင်နာပါ
ဒုက္ခရောက်သူကို ဖေးကူပါ
လူ့သိက္ခာကို စောင့်ရှောက်ပါ
အပြစ်ကင်းမှုတိုင်းကို ချစ်ပါ။

ရိုးသားဖြူစင်သူတွေကို
တစ်ဖက်သတ် အနိုင်ယူပြီးမှ
မင်းရဲ့ သရဖူကို ရမယ်ဆိုရင်
အဲဒီသရဖူကိုလည်း မင်းလုံးဝမယူလေနဲ့။ ။

မိုဃ်းဇော်
(မိုဃ်းဇော် သေတမ်းစာ ကဗျာစာအုပ်မှ)

အရိပ်တွေကို 

တဖွဖွပွတ်သပ်ကြည့်မိတော့ 

ပိုက်ကွန်ထဲက ငှက်ငယ်လို 

ထ ထခုန်နေတာကလွဲပြီး (တခြား)
ဘာမှထွက်မလာဘူး။

 အတိတ်တွေကို 

တစစ လှစ်ဟကြည့်မိတော့

 ပြဒါးပြယ်မှန်တစ်ချပ်လို

 ထ ထအက်တာကလွဲပြီး (တခြား)
ဘာမှထွက်မလာဘူး၊ 

 အချစ်တွေကို 

တသသ ဖွင့်ကာကြည့်မိတော့

 မီးအုံးတဲ့ ထင်းစိုတစ်စလို

 ထ ထအူတာကလွဲပြီး (တခြား)
ဘာမှထွက်မလာဘူး။ 

  ဧပရယ်ဆွေဆွေ

 
အမေ.....

ချစ်သူရေ

ဟောဒီ ကောင်ကင်တစ်ရိုးက

ရေခိုးရေငွေ့ အိုးကြီးကို

မိုးတိမ်လို့ ခေါ်ကြလေရဲ့။

ကိုရွှေမုတ်သုန်လေက

သူခြေထောက်ကို သူဂရုမစိုက်

အိုးကြီးကို တည့်တည့် ဝင်တိုက်တယ်။

အိုးကြီးလဲဗိုက်ပွင့် ကွဲကြေ

သေပါလေရော။

အိုးခြမ်းကွဲထဲကနေ

ရေစက်တွေ ရေစက်တွေ

ဝင်းဝင်းလက်လက်

လင်းတစက်စက် စီးဖြိုင် ညွှတ်ကျ။

ကျောက်ဆောင် ကျောက်မြေနဲ့

စောင့်နေတဲ့ ပင်လယ်အော်တွေလဲ

သွားရည်တမြမြ

ပါးစပ်ကြီးတွေ ပြဲလန်အောင် ဟလို့ပေါ့။

အို ချစ်သူရေ

ဟိုးအရှေ့မှာ မိုးတွေ ရွာပြီ

လာ ရဲရဲလာ

ထီးရွက်တွေမပါလည်း

လူဟာ ကိုယ့်ဖာသာ လျှောက်ရဲရမယ်ကွယ့်။

ငါတို့ရဲ့ မိုး

ဂျိုးဂျိုးဂျိမ့်ဂျိမ့် လှပ

ရှိုတ်ကြီးတငင်ငင် ရွာချပါစေလားကွယ်။

ငါရဲ့ရွှေအိပ်မက်ကို

ခြေကျင်းတွေလို ခွဲစိတ် ဝတ်ဆင်ထားတဲ့ မိန်းမ။

မြူခိုးနီညိုတွေကြားမှာ

စံပယ်တွေ ကပိုကရိုနဲ့ ...လှလို့။

ငါ...တစ်ပွင့်ပြီး တစ်ပွင့်ပြိုလဲ

နှင်းအဆက်ဆက်တိုင်အောင် ကြေကွဲခဲ့ရပေါ့။

မီးပွိုင့်တွေက

အနီလှိုင်းတွေနဲ့

လွှင့်ထုတ်ပစ်ခတ်ကြတယ်။

လူမိုက်လိုလို

စောင်းနေတဲ့ ဓါတ်တိုင်အိုကြီးက

ကျွန်တော့်ကို ဝင်တိုက်ပြန်ရဲ့

ထင်းရှုးပင်ကြီးက

ရှည်လျှားခွန်မြတဲ့ သစ်ရွက်တွေ ကွေးကုပ်

ကျွန်တော့ကို လေနဲ့ လိုက်မှုတ်တယ်။

ကျွန်တော်

ကိုယ်နဲ့မတော်တဲ့ ဖိနပ်ကိုစီးပြီး

လမ်းအကြီးကြီးမှာ လျှောက်မိနေချိန်ပေါ့။

တိုက်တာတွေ ဖောင်းကားပျော့ အိ

ဓါတ်ပေါင်းဖိုတွေလည်း

မိုးခိုးငွေ့တွေပိပြီး ကွေးညွတ်ခွေယိုင်ကျ

မြေကြီးထဲက

မိုးခြိန်းသံ တရှဲရှဲ ကြားရတယ်။

တကယ့်ကို ကြောက်စရာပါအမေ

အဲဒီညက

အိပ်မက်နည်းနည်း ရှည်သွားတယ်။

မောင်းကွဲသံ ခပ်လေးလေး တစ်ချက်ပါပ။ဲ

တစ်ယာက်တည်းနေရတဲ့ ငါ့ကို

ဘယ်သူနဲ့မှမနေရအောင်

ယိုင်ယိုင်ရွဲ့ရွဲ့ လှီးခွဲသွား....။

နံပါတ်စဉ် မတပ်ရသေးတဲ့

သဲကန္တာရ စာရွက်တစ်ရွက်ပေါ်မှာလဲကျတယ်။

အဲဒီညနေပေါ့

ကောင်းကင်ကို ဆွဲချွတ်ပြီး

မြေကြီးကိုပဲ ငါပြန်ဝတ်ခဲ့ရ။

ပြီးဆုံးသွားတာ သေချာပါတယ်

နှင်းခိုးတွေ...

ပြီးတော့ ဒိုင်ယာရီချို ခါးတစ်ခွက်

ပြီးဆုံးသွားတာက သေချာပါတယ်။

မိုးတွေကို တိုးတိုးကလေး ရွာရဦးမှာပေါ့လေ

ပန်းရနံတွေကလည်း ခပ်မြင့်မြင့်ကနေပျံသန်း

ငါနဲ့ ငါ့ရဲ့ဖိနပ်လေး

သီချင်းမဆိုတော့ဘဲ ဟိုးအဝေးကို ငေးခဲ့ရတယ်။